महाराष्ट्र न्यूज वन प्रतिनिधी, कोल्हापूर: ‘ आर्थिक विकास हा फक्त अर्थव्यवस्थेशी संबंधित असतो तर शाश्वत विकास हा अर्थव्यवस्था, समाज आणि पर्यावरण यांच्याशी संबंधित असल्यामुळे तो सर्वांगीण विकास आहे.’ असे प्रतिपादन नाबार्डचे माजी चेअरमन डॉ.यशवंत थोरात यांनी केले.

 देशभक्त रत्नाप्पा कुंभार कॉलेजमध्ये अर्थशास्त्र विभाग आणि विधी विभागाच्यावतीने आयोजित "सस्टेनेबल डेव्हलपमेंट इन इंडिया :बॅलन्सिंग इकॉनॉमी सोसायटी अँड एन्व्हायरमेंट" या विषयावर राष्ट्रीय परिसंवादात बीजभाषक म्हणून ऑनलाईन बोलत होते.

दिल्ली विधी विद्यापीठाचे प्रा. डॉ. अजय सोनवणे यांनी भारतीय राज्यघटनेतील कलम २१ हे शाश्वत विकासाशी संबंधित आहे.वसुधैव कुटुंबकम ही भारतीय संस्कृती आहे त्यामुळे पर्यावरण हे शोषणासाठी नसून संवर्धनासाठी असल्याचे सांगितले. डॉ व्ही. बी. जुगळे म्हणाले, ‘कोणतही देश हा नैसर्गिक भांडवलाचा वापर करून विकासाकडे जात असतो. दारिद्र्य असेल तर विकासाकडे जाता येते परंतु विपुलता असेल या विपुलतेतून विपुलतिकडे जाण्याचा मार्ग हा खडतर असतो हा खडतर मार्ग सोपा करण्याचा एक उपाय म्हणजे शाश्वत विकास होय. ’शिवाजी विद्यापीठातील अर्थशास्त्र विभाग प्रमुख डॉ .एम एस देशमुख म्हणाले की भारताची अर्थव्यवस्था ही पाच ट्रिलियन डॉलर इतकी होणार आहे. आणि हे ध्येय गाठण्यासाठी सूक्ष्म लघु आणि मध्यम उद्योग देशांमध्ये वाढीला लागणे महत्त्वाचे असल्याचे नमूद केले. या राष्ट्रीय परिसंवादासाठी कौन्सिल ऑफ एज्युकेशनच्या अध्यक्षा  रजनी मगदूम, उपाध्यक्ष डॉ. प्रसाद मगदूम, सचिव डॉ विश्वनाथ मगदूम,सदस्य ॲड.वैभव पेडणेकर,ॲड. अमित बाडकर यांचे मार्गदर्शन लाभले.

समारोप समारंभ नाईट कॉलेज ऑफ आर्ट्स अँड कॉमर्स चे प्राचार्य डॉ उत्तम पाटील यांच्या अध्यक्षतेखाली घेण्यात आला. प्रास्ताविक महाविद्यालयाचे प्राचार्या डॉ वर्षा मैंदर्गी यानी केले उपप्राचार्य डॉ आर. एस. नाईक यांनी आभार मानले. प्रा. डॉ. एस एस देसाई, डॉ.एन.एच.जाधव आणि प्रा. के.डी दिंडे यांनी पाहुण्यांचा परिचय करुन दिला. याप्रसंगी प्रा.पी.एन.देवळी, डॉ एस. एफ बोथीकर यांनी मांडले, प्रा.डॉ.आर. जे. बिरजे आणि डॉ. सुरेखा सांगरुळकर, प्रा.के.जी. कांबळे, प्रा .डॉ. ए.एस. बन्ने,डॉ.एस.बी.राजमाने, डॉ एस.एस. गवई,डॉ.सुप्रिया चौगले,ग्रंथपाल टी.एल.कांबळे, प्रा के सी.जोशी,प्रा. सोरटे तासगाव महाविद्यालयाचे डॉ.गावडे उपस्थित होते.