महाराष्ट्र न्यूज वन प्रतिनिधी, कोल्हापूर : येथील चालुक्य स्पोर्टस अॅकेडमीतर्फे श्री दत्त क्रीडा संकुल, पुंगावकर माळा, न्यू पॅलेस जवळ क्रीडा महोत्सव आयोजित केला आहे. या क्रीडा महोत्सवामध्ये दहा विविध क्रीडा प्रकारांच्या स्पर्धा होतील. स्पर्धेसाठी कसलेही शुल्क नाही. २१ ते ३० मे २०२६ या कालावधीत हा महोत्सव होत आहे अशी माहिती संयोजक व अॅकेडमीचे उपाध्यक्ष अवधूत साळोखे, सदस्य श्रृती पुंगावकर व सचिव संतोष बाबर यांनी दिली. या महोत्सवातंर्गत २१ ते २३ मे या कालावधीत बास्केटबॉल् स्पर्धा तर २४ मे रोजी धनुर्विद्या स्पर्धा होईल. जिम्नॅस्टिक्स २५ मे रोजी तर कुस्ती स्पर्धा २६ मे रोजी होणार आहे. २७ मे रोजी बॉक्सिंग तर २८ मे रोजी वेटलिफ्टिंग स्पर्धा होत आहे. शिवकालीन मर्दानी खेळ स्पर्धा २९ मे रोजी तर फेन्सिंग स्पर्धा ३० मे रोजी होईल. या स्पर्धेमध्ये जास्तीत जास्त खेळाडूंनी सहभाग नोंदवावा असे आवाहन संयोजकांनी केले आहे.  पत्रकार परिषदेला विजय जाधव, शुभम पाटील उपस्थित होते.