Maharashtra News 1
Register
Breaking : bolt
अगोदर निधी…मग सभा ! महापालिका सभेत नगरसेवकांची प्रशासनावर आगपाखड!!जिल्हा परिषदेत असमान निधी वाटप, काँग्रेसच्या सदस्यांचे शुक्रवारी लाक्षणिक उपोषण ! विकासकामे रखडली, सदस्यांचे आरोग्य बिघडण्याची वेळ ! !आरोग्य सेवेवर एआयचा वॉच, कोल्हापूर जिल्ह्यात पायलट प्रोजेक्ट !आरोग्यमंत्र्यांच्या हस्ते प्रकल्पाचे उद्घाटन ! !केआयटीला आयएसटीईचे दोन मानाचे पुरस्कार कोल्हापुरात सुसज्ज आर्ट गॅलरीची गरज -  मालोजीराजे छत्रपतीविनापरवाना व्यवसाय करणाऱ्या जीमवर कारवाई, लॉजिंग व्यवस्थापनला नोटीस...तर गप्प बसणार नाही, कोल्हापुरात काँग्रेसच्या नगरसेवकांचा महायुतीला इशारातेरा वर्षाखालील फुटबॉल स्पर्धेत राजर्षी शाहू स्पोर्ट्स, ताराराणी विद्यापीठ स्पोर्ट्स विजयी शिवाजी विद्यापीठाच्या विद्यार्थिनीला नोबेल विजेत्या शास्त्रज्ञांशी संवाद साधण्याची संधीरेडिओलॉजिस्ट डॉ. सुनील कुबेर यांचे निधन

जाहिरात

 

ठाकरे गटाकडून सतरा उमेदवार घोषित, सांगलीतून चंद्रहार पाटील

schedule27 Mar 24 person by visibility 880 categoryराजकीय

महाराष्ट्र न्यूज वन प्रतिनिधी : शिवसेना ठाकरे गटातर्फे लोकसभा निवडणुकीसाठी सतरा उमेदवारांची यादी घोषित करण्यात आली. यामध्ये सांगली लोकसभा मतदारसंघातून पैलवान चंद्रहार पाटील यांची उमेदवारी घोषित केली. ठाकरे गट एकूण २२ जागा लढविणार असल्याचे खासदार संजय राऊत यांनी सांगितले.जाहीर झालेल्या सतरा जागांच्या यादीमध्ये विद्यमान खासदार विनायक राऊत, ओमराजे निंबाळकर, संजय जाधव, अरविंद सावंत यांचा समावेश आहे. दुसरीकडे या यादीत हातकणंगलेचा समावेश नाही. यावरुन हातकणंगलेबाबत मात्र अजून निर्णय झाला नसल्याचे दिसत आहे.
सांगली लोकसभा मतदारसंघावरुन शिवसेना ठाकरे गट आणि काँग्रेस यांच्यामध्ये चढाओढ सुरू आहे. काँग्रेस, विशाल पाटील यांच्यासाठी आग्रही आहे. तर माजी मुख्यमंत्री उद्धव ठाकरे यांनी पैलवान चंद्रहार पाटील यांची उमेदवारी घोषित केली होती. मात्र काँग्रेसकडून दावा सुरू असल्यामुळे नेमके उमेदवार कोण हा संभ्रम होता. मात्र ठाकरे गटाने सतरा उमेदवारांच्या यादीमध्ये सांगलीतून चंद्रहार पाटील यांची उमेदवारी घोषित केली. यामुळे महाविकास आघाडीचे तेच उमेदवार हे स्पष्ट झाले.
बुलढाणा येथून प्रा. नरेंद्र खेडेकर, यवतमाळ येथून संजय देशमुख, मावळमधून संजोग वाघेरे पाटील, हिंगोलीतून नागेश पाटील आष्टीकर, संभाजीनगर येथून चंद्रकांत खैरे, धाराशिवमधून ओमराजे निंबाळकर, शिर्डीतून भाऊसाहेब वाघचौरे, नाशिकमधून राजाभाऊ वाजे, रायगडमधून अनंत गिते, सिंधुदुर्गमधून विनायक राऊत, ठाणे येथून राजन विचारे, मुंबई ईशान्यमधून संजय दिना पाटील, मुंबई दक्षिणमधून अरविंद सावंत, मुंबई वायव्यमधून अमोल किर्तीकर, परभणीमधून संजय जाधव, दक्षिण मध्य मधून अनिल देसाई यांचा समावेश आहे.
……………………………………
उर्वरित पाच जागा दोन दिवसात जाहीर
हातकणंगले, मुंबई उत्तर, पालघर, कल्याण डोंबिवली अशा पाच जागेवर शिवसेना ठाकरे गटाकडून उमेदवार घोषित झाले नाहीत. येत्या दोन दिवसात या ठिकाणचे उमेदवार घोषित करू असे खासदार राऊत यांनी सांगितले.
…………………………………………
हातकणंगलेत उमेदवार की शेट्टींना पाठिंबा !
हातकणंगलेत शिवेसना ठाकरे गटाचा स्वतंत्र उमेदवार देणार की स्वाभिमानी शेतकरी संघटनेला पाठिंबा देणार याविषयी तर्कवितर्क लढविले जात आहेत. स्वाभिमानीचे नेते व माजी खासदार राजू शेट्टी यांनी स्वतंत्र लढणार असून महाविकास आघाडीने पाठिंबा द्यावा असे म्हटले आहे. तर महाविकास आघाडीने त्यांनी आघाडीत समावेश व्हावा असा आग्रह आहे. शिवसेना ठाकरे गटाकडून माजी आमदार सुजित मिणचेकर, सत्यजित पाटील यांची नावे चर्चेत आहेत.

जाहिरात

 
Copyright © 2026. All Rights Reserved by Maharashtra News 1.
Designed & Developed by Adhvik go Online
JSON Output

    
Settings
Theme
themes