संवर्ग १ व २ चा प्रथम लाभ घेणाऱ्या शिक्षकांना एका शाळेत ३ वर्षाची अट लावणे बदली शासन निर्णयानुसार उल्लंघन होत असल्याने ही अट रद्द करावी. दोन डिसेंबर २०२२ रोजी जाहीर केलेले बदली वेळापत्रक रद्द करून ३० जून २०२३ संदर्भ दिनांक पकडून बदली बाबतचे सुधारित वेळापत्रक या आठवड्यात जाहीर करा अशी मागणी करण्यात आली आहे.

     बैठकीत सर्व कर्मचाऱ्यांना जुनी पेन्शन योजना लवकर लागू करावी, मुख्यालये बांधून दिल्याशिवाय मुख्यालयी राहण्याची अट नसावी, शिक्षक भरती तात्काळ करावी, अल्पसंख्याक शिष्यवृत्ती व समाजकल्याण शिष्यवृत्ती पूर्ववत सुरू करावी, पदवीधर शिक्षक वेतनातील तफावत दूर करावी, शालेय पोषण आहारातील धान्य तपासले जावे, शिक्षकांना बी एल ओ कामातून मुक्त करावे , शिक्षकांना  आश्वासीत प्रगती योजना लागू करावी, दर तीन महिन्यानी विस्तार अधिकारी- केंद्रप्रमुख पद्धती व दर सहा महिन्यांनी मुख्याध्यापक- विषय शिक्षक पदोन्नती व्हावी, १०० टक्के विषय शिक्षकांना पदवीधर वेतनश्रेणी लागू करावी आदी मागण्यांचे ठराव संमत करण्यात आले.

     बैठकीस  राज्य सरचिटणीस हरीश ससनकर, महिला राज्य सरचिटणीस शारदा वाडकर, राज्य उपाध्यक्षा प्रमिला माने, राज्य संघटक पी आर पाटील, शशिकांत पवार, प्रदिप पवार, किशोरछ आनंदवार, इरफान मिर्झा, संजय चिडे, प्रदीप गावंडे, वसंत मोकल, सुनील देशमुख, विकास गायकवाड उपस्थित होते.

     रायगड जिल्हाध्यक्ष वसंत मोकल यांनी स्वागत केले रायगड जिल्हा कोषाध्यक्ष सुनिल देशमुख यांनी देशमुख यांनी आभार मानले.