महाराष्ट्र न्यूज वन प्रतिनिधी, कोल्हापूर : शिरोली एमआयडीसी पोलिसांनी गुन्हेगारी टोळीवर कारवाई करताना सहा जणांना वर्षभरासाठी हद्दपार केले. यामध्ये शिरोली ग्रामपंचायत सदस्य व माजी उपसरंपच अविनाश अनिल कोळी, श्रीकांत तानाजी मोहिते, कार्तिक परशुराम राजुगरीकर, अनिकेत आनंदा कांबळे, ऋषिकेश शिवाजी भोरे व अली उर्फ जमीर वालेचंद तानेखान यांच्यावर हद्दपारीची कारवाई झाली आहे. सराईत गुन्हेगारांवर कारवाई करावी असे आदेश जिल्हा पोलिस अधीक्षक निलोत्पल यांनी दिले होते. त्यानुसार अपर पोलिस अधीक्षक आण्णासाहेब जाधव, करवीर विभागाचे उपविभागीय पोलिस अधिकारी आप्पासाहेब पवार यांच्या मार्गदर्शनाखाली कारवाई झाली. शिरोली पोलिस ठाण्याचे सहायक पोलिस निरीक्षक सुनील गायकवाड व त्यांच्या पथकाने ही कारवाई केली.