महाराष्ट्र न्यूज वन प्रतिनिधी, कोल्हापूर : येथील गुणीदास फाऊंडेशनतर्फे आषाढी एकादशीनिमित्त शनिवारी, २५ जुलै २०२६ रोजी ‘तीर्थ विठ्ठल’ कार्यक्रमाचे आयोजन केले आहे. गायन समाज देवल क्लब येथील गोविंदराव टेंबे रंगमंदिर येथे सायंकाळी ५.३० वाजता कार्यक्रमाला प्रारंभ होईल. उद्योजक बापूसाहेब जाधव यांच्या स्मृतिप्रित्यर्थ हा कार्यक्रम होत आहे. गायक जयदीप वैद्य, गायिका अंजली मराठे हे अभंग, भक्तीगीते सादर करतील.डॉ. सचिन जगताप, केदार गुळवणी, पार्थ भूमकर, स्वरुप दिवाण, हरी जोशी, आशय कुलकर्णी, राजप्रसाद धर्माधिकारी साथ संगीत देणार आहेत.स्नेहल दामले निवेदन करणार आहेत.हा कार्यक्रम विनामूल्य आहे. प्रवेशिका २१ तारखेपासून संध्याकाळी पाच ते रात्री आठ या वेळेत देवल क्लब येथे उपलब्ध होतील. नागरिकांनी, कार्यक्रमास येताना वारकरी वेशभूषेत यावे असे अध्यक्ष सुस्मिता सप्रे, राजप्रसाद धर्माधिकारी, सचिव डॉ. अजित शुक्ल यांनी केले आहे.