महाराष्ट्र न्यूज वन प्रतिनिधी, कोल्हापूर : रस्ता सुरक्षा अभियान अंतर्गत हेल्मेट जनजागृती व रक्तदान शिबीर सोमवार, २६ जानेवारी २०२६ रोजी सकाळी  सात वाजता प्रादेशिक परिवहन कार्यालय, कोल्हापूर येथे आयोजन करण्यात आले आहे, अशी माहिती सहाय्यक प्रादेशिक परिवहन अधिकारी चंद्रकांत माने यांनी दिली आहे.प्रजासत्ताकदिनाचे औचित्य साधत प्रादेशिक परिवहन कार्यालय, कोल्हापूर व कोल्हापूर बाईकिंग कम्युनिटी यांच्या संयुक्त विद्यमाने आणि सर्व वाहनधारक, मोटार ड्रायव्हिंग स्कूल संघटना, वाहन वितरक संघटना, सर्व रिक्षा संघटना यांच्या सहकार्याने हा कार्यक्रम होत आहे. हेल्मेट जनजागृती रॅलीद्वारे वाहतूक नियमांचे पालन करण्याबाबत जनजागृती करणे तसेच रक्तदान शिबिराच्या माध्यमातून सामाजिक बांधिलकी जपणे हा या आयोजनाचा मुख्य उद्देश आहे. या रॅलीस सर्वांनी हेल्मेट घालून उपस्थित रहावे तसेच रक्तदान करून या सामाजिक कार्यास सहकार्य करावे, असे आवाहन प्रादेशिक परिवहन कार्यालयाने केले आहे. करण्यात आले आहे.