महाराष्ट्र न्यूज वन प्रतिनिधी  कोल्हापूर : येथील सरोजिनी कॉलेज ऑफ फार्मसी आणि शिवाजी विद्यापीठ यांच्या संयुक्त विद्यमाने ‘भारतीय ज्ञान प्रणाली व आधुनिक वैद्यकशास्त्र यांचे एकात्मिकरण याविषयी राष्ट्रीय परिषद आयोजित केली होती. या परिषदेला आठ राज्यातून फार्मसी महाविद्यालयातील तीनशेहून अधिक डीफार्मसी, बीफार्मसीतील विद्यार्थी व प्राध्यापकांनी सहभाग घेतला. या परिषदेत ऑनलाइन व ऑफलाइन पद्धतीने शोधनिबंध व पोस्टर सादरीकरण झाले.

या स्पर्धेतील विजेत्यांना बक्षीस देऊन गौरविले. शिवाजी विद्यापीठाचे प्रकुलगुरू डॉ. ज्योती जाधव, प्रा. के. एस. लड्डा, डॉ. बनाप्पा उंगर, प्रा. प्रमोद एच जे, बी. सी. काहेर, डडॉ. योगेश्वर आर. चीप्पा, प्राजक्ता देशपांडे, संस्थेच्या अध्यक्षा शोभा तावडे, संचालक डॉ. अनिलकुमार कुलकर्णी, प्राचार्य आदित्य अरविंदेकर यांची प्रमुख उपस्थिती होती. शोधनिबंध व पोस्टर सादरीकरण स्पर्धेसाठी डॉ. विक्रम पोतदार, डॉ. किरण पाटील यांनी परीक्षक म्हणून काम केले. प्रा. निषिता वाणी यांनी सूत्रसंचालन केले. प्रा. सुचिता चौधरी यांनी आभार मानले. डॉ. सचिन पाटील, प्रा. भूषण वर्णे यांनी नियोजन केले.