महाराष्ट्र न्यूज वन प्रतिनिधी : कोल्हापुरातील फुलेवाडी रिंग रोड परिसरात गुरुवारी दुपारी गोळीबाराचा प्रकार घडला. रेकॉर्डवरील गुन्हेगार आणि मोक्का कायद्याअंतर्गत कारवाई झालेला संशयित सूरज साखरेवर  तीन गोळ्या झाडण्यात आल्याची प्राथमिक माहिती समोर येत आहे यामध्ये सूरज साखरे जखमी झाला आहे. पोलीस घटनास्थळी पोचले आहेत त्यांच्याकडून तपास सुरू आहे. खाजगी सावकारीतून हा प्रकार घडल्याची चर्चा सुरू आहे

 फुलेवाडी रिंगरोड परिसरातील  क्रांतिसिंह नाना पाटील चौकाजवळ गोळीबाराची घटना घडली. हल्लेखोरांनी  साखरेवर तीन राऊंड फायर केल्याचे समजते.  गोळीबारानंतर हल्लेखोर घटनास्थळावरून पसार झाले तर साखरेवर खाजगी रुग्णालयात उपचार सुरू आहेत. साखरेवर यापूर्वीही  गंभीर गुन्हे दाखल  आहेत.  महाराष्ट्र संघटित गुन्हेगारी नियंत्रण कायदा (मोक्का) अंतर्गतही कारवाई झालेली आहे. साखरे हा भारतीय जनता पक्षाचा कार्यकर्ता म्हणून काम करत होता.