महाराष्ट्र न्यूज वन प्रतिनिधी : राज्य सरकारच्यावतीने  2 ते 8 ऑक्टोबर 2026 या कालावधीत वन्यजीव सप्ताह साजरा केला जातो. वन्यजीव सप्ताहाची सुरुवात राजाराम कॉलेज कोल्हापूर येथून करण्यात आली.  कार्यक्रमांमध्ये वन्यजीव सप्ताहाची सुरुवात करून कोल्हापूर जिल्ह्यातील वन अधिकारी व सामाजिक कार्य करणाऱ्या संस्था,  शाळांच्या गौरव करण्यात आला. श्री आर आर खडके अकॅडमी बोरपाडळे कडील विद्यार्थी सतत पर्यावरण पूरक उपक्रम राबविण्यातमध्ये कार्य तत्पर असतात. जंगलातील पाणवठे स्वच्छ करणे, जंगलाला लागलेली आग विझवणे, प्लास्टिकचा वापर टाळणे, वृक्षतोड थांबविण्यासाठी आणि जंगल वाचविण्यासाठी समाज प्रबोधन करणे, शाळेकडील विद्यार्थ्यांमध्ये वन्यजीव आणि जंगल  यासाठी जनजागृती करणे, निबंध स्पर्धा, चित्रकला स्पर्धा, रांगोळी स्पर्धा यांचे आयोजन करणे यासारख्या सामाजिक उपक्रमाचे आयोजनही केले जाते. याची दखल घेऊन श्री आर आर खडके अकॅडमी बोरपाडळेच्या विद्यार्थ्यांचा सन्मान जिल्हाधिकारी विजय राठोड यांच्या हस्ते करण्यात आला. यावेळी मुख्य वनसंरक्षक  लक्ष्मी ए, जिल्हा पोलीस अधीक्षक निलोत्पल, मुख्य कार्यकारी अधिकारी मा. जास्मिन, उप वनसंरक्षक धैर्यशील पाटील, क्षेत्र संचालक सह्याद्री व्याघ्र राखीव  तुषार चव्हाण, विभागीय वन अधिकारी श्रीकांत पवार,  संजय वाघमोडे,  शुभांगी चव्हाण, सहाय्यक वनसंरक्षक  प्रियांका दळवी,   प्रियांका भवर,  सोनम ढोले,  विलास काळे,  स्नेहल मगर, महाराष्ट्र राज्य वन्यजीव मंडळ सदस्य  रमण कुलकर्णी,  अमोल कुलकर्णी उपस्थित होते.  प्राचार्य डॉ. क्रांती पाटील यांनी आभार मानले.