महाराष्ट्र न्यूज वन प्रतिनिधी, कोल्हापर : करवीर पंचायत समितीर्फे तालुक्यातील उत्कृष्ट शैक्षणिक कार्य करणाऱ्या शिक्षकांना ‘करवीर श्री आदर्श शिक्षक पुरस्कार’ देण्यात येतील’अशी घोषणा पंचायत समिती सभापती साताप्पा पाटील यांनी केली. करवीर तालुका शिक्षक व शिक्षकेत्तर कर्मचारी पतसंस्थेची वार्षिक सभा झाली. नगरसेवक राहुल माने यांची उपस्थिती होती. शिक्षक नेते राजाराम वरुटे हे अध्यक्षस्थानी होते. यावेळी वरुटे यांनी पतसंस्थेच्या कामगिरीचा गौरवोल्लेख केला. ‘संस्थेच्या प्रारंभापासूनच ऑडिट वर्ग अ मिळाला आहे. एनपीए शून्य टक्के आहे.संस्थेचे अध्यक्ष दत्तात्रय एकशिंगे यांनी स्वागत केले. सचिव अमोल लगारे यांनी अहवाल वाचन केले. उपाध्यक्षा नूरजहा मुल्लाणी यांनी आभार मानले. याप्रसंगी उपसभापती दीपाली पाटील, प्रकाश आंग्रे, संस्थापक शामराव जाधव, श्रीकांत चव्हाण, अशोक संकपाळ, श्वेता खांडेकर, प्रशांत पोतदार, संभाजी पाटील, बाजीराव पाटील, मारुती दिंडे, प्रकाश निकम, विजय मालाधारी, संतोष कांदळकर, धोंडीराम पाटील, ज्योत्स्ना महात्मे, नीता ठाणेकर, वर्षा सनगर, अजित कुभार, बाजीराव कांबळे, बाजीराव लगारे आदी उपस्थित होते.