महाराष्ट्र न्यूज वन प्रतिनिधी कोल्हापूर : कोल्हापूर जिल्हा सहकारी दूध उत्पादक संघाच्या निवडणूक प्रक्रियेला सुरुवात झाली. सभासद संस्था प्रतिनिधींनी आपल्या प्रतिनिधींच्या नावाचे ठराव एक जुलै 2026 पर्यंत सहाय्यक निबंधक दुग्ध विभाग यांच्याकडे सादर करावयाचे आहेत.
 प्राधिकृत अधिकारी म्हणून सहायक निबंधक कृष्णा ठाकरे यांचे नियुक्ती करण्यात आली आहे. सभासद संस्थांना ठराव मागणी पत्र पाठवण्याचा कालावधी 26 मे ते एक जून आहे. तर सभासद दूध संस्थांनी आपला प्रतिनिधी नियुक्तीचा ठराव कालावधी दोन जून ते एक जुलै 2026 असा आहे. गोकुळच्या संचालक मंडळाची मुदत संपली आहे. सध्या गोकुळवर पाच सदस्यीय प्रशासक आहे. गोकुळची निवडणूक लवकरात लवकर व्हावी यासाठी प्रयत्न सुरू होते. दरम्यान गोकुळशी संलग्नित 1300 प्राथमिक दूध संस्थांचे अवसायनाचे मध्यंतरी आदेश काढले होते. त्या संस्थांची सध्या सुनावणी सुरू आहे.