महाराष्ट्र न्यूज वन प्रतिनिधी कोल्हापूर :  25 हजार रुपयांच्या लाच प्रकरणी अटक करण्यात आलेल्या  महापालिकेच्या प्राथमिक शिक्षण समितीचे प्रभारी प्रशासनाधिकारी डी.सी. कुंभार यांना  तीन दिवसाची पोलिस कोठडी मिळाली आहे. लाचलुचपत प्रतिबंधक विभागाने त्यांना सोमवारी एक जून रोजी लाच स्वीकारताना ताब्यात घेतले होते. आंतरजिल्हा बदली शिक्षकाचा थकीत पगार काढण्यासाठी त्यांनी चाळीस हजार रुपयांची लाच मागितली होती. पोलिसांनी त्यांना सोमवारी अटक केली होती. मंगळवारी त्यांना कोर्टापुढे हजर केले असता तीन दिवसाची पोलीस कोठडी देण्यात आली.तपासाचा भाग म्हणून पोलिसांनी त्यांच्या निवासस्थानाची झडती घेतली आहे.