महाराष्ट्र न्यूज वन :  संविधान सन्मान युवा प्रतिष्ठान, संविधान चौक विचारे माळ आणि प्रयोदी सोशल अॅण्ड कल्चरल फाउंडेशनच्यावतीने संविधानिक गीतांच्या कार्यक्रमाचे आयोजन करण्यात आले होते

गायक संगीतकार डॉ. उत्कर्ष शिंदे, कबीर नाईकनवरे  आणि लोकशाही रणजीत कांबळे यांनी गायन केले. डॉ. शिंदे यांनी आपल्या गायनातून भारतीय संविधानाचा जागर केला. या संगीतमय मैफीलीचे उदघाटन राष्ट्रवादी काँग्रेसचे शहराध्यक्ष आदिल फरास, शिवसेनेचे जिल्हा समन्वयक सत्यजित कदम, उत्तम कांबळे, विवेकानंद शिक्षण संस्थेचे मुख्य कार्यकारी अधिकारी कौस्तुभ गावडे, योगिता कोडोलीकर, डॉ. प्रविण कोडोलीकर, महेंद्र चव्हाण,डॉ. कपील राजहंस, मीनल राजहंस, निलेश बनसोडे, सुखदेव बुध्याळकर, वैभव माने आदी मान्यवरांच्या हस्ते झाले. विचारे माळ, कदमवाडी रोड येथे झालेल्या या कार्यक्रमाला शेकडो प्रेक्षकांनी हजेरी लावली.

संविधानाच्या प्रस्ताविकेच्या गायनाने कबीर नाईकनवरे यांनी गायन केले. त्यांनंतर शाहीर रणजीत अंबाजी यांनी अस्सल लोककलेच्या बाजातील एकेक रचना सादर करून कार्यक्रम अधिक उंचीवर नेला. त्यानंतर महाराष्ट्राचे ख्यातनाम गायक संगीतकार डॉ. उत्कर्ष शिंदे नी एक से बडकर एक भीम गीतांचे सादरीकरण केले. भारतीय संविधानाचा गौरव करणारी गीते सादर करीत कार्यक्रमाची उंची वाढवली. प्रेक्षकांनी टाळ्या व शिट्टयांच्या आवाजात दाद दिली. अनेक भीमगीतांवर प्रेक्षकांनी ठेका धरला होता. शिंदे यांच्या भीमगीताने कार्यक्रमाची सांगता झाली. प्रवीण बनसोडे यांनी कार्यक्रमाचे निवेदन केले. या कार्यक्रमासाठी रुपेश आडुरकर अजिंक्य शिंदे ,महेश राठोड बाबू घाडगे, विराज सुतार, सचिन शेटे उपस्थित होते .