महाराष्ट्र न्यूज वन प्रतिनिधी,कोल्हापूर :अक्षयतृतीयेच्या मुहूर्तावर रविवारी, आदमापूर येथे सामुदायिक लग्नसोहळा झाला. याप्रसंगी ४१ वधू-वरांनी लग्नगाठ बांधली. अरुण डोंगळे  चॅरिटेबल ट्रस्ट व संत बाळूमामा देवालय यांच्या संयुक्त विद्यमाने या सोहळयाचे आयोजन केले होते. डोंगळे कुटुंबीय गेली १९ वर्षापासून हा उपक्रम सुरू आहे.

या सोहळयात सहभागी वधू-वरांना सोन्याचे मणी-मंगळसूत्र, पेहराव, संसारोपयोगी भांडी संच भेट स्वरुपात देण्यात आले. शेतकरी वधूपित्यास २५ हजार रुपये व मागासवर्गीय वधूपित्यास २० हजार रुपयांचे सरकारी अनुदान मिळवून दिले जाईल असे सांगण्यात आले. आमदार राजेश क्षीरसागर, जिल्हा परिषदेच्या अध्यक्षा शिल्पा शशिकांत खोत,  गोकुळचे माजी चेअरमन अरुण डोंगळे, ज्येष्ठ संचालक विश्वास पाटील, जिल्हा मध्यवर्ती बँकेचे संचालक भैया माने, गोकुळचे संचालक रणजीत पाटील, नंदकुमार ढेंगे, प्रा. किसन चौगले, जिल्हा परिषद सदस्या अमृता डोंगळे, तहसिलदार अनिता देशमुख, सभापती आर. वाय. पाटील, धैयशील भोसले, रणधीर मोरे, एच. आर. पाटील, राजेंद्र भाटले, संग्राम कलिकते, संदीप डोंगळे, सम्राट डोंगळे आदी उपस्थित होत. अभिषेक डोंगळे यांनी प्रास्ताविक केले. एम. पी पाटील यांनी सूत्रसंचालन केले. सुहास डोंगळे यांनी आभार मानले.