महाराष्ट्र न्यूज वन प्रतिनिधी कोल्हापूर : इंडियन सायकियाट्रिक सोसायटी वेस्टर्न झोनल ब्रॅंचची ५४ वी वार्षिक परिषद शुक्रवार १३ ऑक्टोबर ते 15 ऑक्टोबर या कालावधीत व्हिक्टोरिया हॉल, सयाजी हॉटेल, येथे होणार आहे. ही परिषद कोल्हापूर सायकियाट्रिक सोसायटी आणि डी.वाय .पाटील मेडिकल कॉलेज कोल्हापूर यांच्या सहकार्याने आयोजित केली जात आहे. या परिषदेसाठी महाराष्ट्र, गुजरात, गोवा या तिन्ही राज्यातून त्याचबरोबर देशभरातून वेगवेगळ्या ठिकाणाहून ४०० पेक्षा जास्त मानसोपचार तज्ञ उपस्थित राहणार आहेत.

परिषदेची सुरुवात शुक्रवारी सकाळी साडेसहा वाजता ताराराणी चौक ते गोल्ड जिम या मार्गावर वाॅकथाॅन ने होणार आहे.परिषदेसाठी उपस्थित सर्व मानसोपचार तज्ञ, नर्सिंग कॉलेजचे विद्यार्थी आणि स्वयंसेवकांच्या सहभागी होणार आहेत. मानसिक आरोग्यासाठी वाटचाल करत राहण्याचा संदेश वॉकॅथॉनमधून दिला जाणार आहे.

शनिवार १४ ऑक्टोबर उद्घाटन समारंभासाठी प्रमुख पाहुणे इंडियन सायकियाट्रिक सोसायटी चे उपाध्यक्ष डॉ. लक्ष्मीकांत राठी, डॉ. डी. वाय. पाटील मेडिकल कॉलेजचे अधिष्ठाता डॉ. राकेश शर्मा असतील. इंडियन सायकियाट्रिक सोसायटी वेस्टर्न झोनल ब्रांच चे अध्यक्ष डॉ. उमेश नागापूरकर, भावी अध्यक्षा डॉ. नीना सावंत, सचिव डॉ. धनंजय अष्टुरकर, खजानिस डॉ. रवींद्र अग्रवाल, डॉ. मलय दवे, कोल्हापूर सायकियाट्रिक सोसायटीच्या वतीने डॉ. ए वाय कुलकर्णी, डॉ. सीमोन आवळे , डॉ. निखिल चौगुले, डॉ. देवव्रत हर्षे, डॉ. विशाल पाटील उपस्थित राहणार आहेत . 

      या परिषदेची यावर्षीची थीम सायकोट्री नेक्स्ट जनरेशन 2.0 अशी आहे. या थीमनुसार मनोविकारांचे बदलते स्वरूप, नव्या उपचार पद्धती, मुलांमधले मानसिक आजार, अशा वेगवेगळ्या विषयांवर तज्ञ मानसोपचार तज्ञांची व्याख्याने आयोजित करण्यात आली आहेत. या परिषदेसाठी प्रमुख वक्ते म्हणून सुप्रसिद्ध मानसोपचार तज्ञ आणि मानसिक स्वास्थ शास्त्रज्ञ डॉ. अमरेश श्रीवास्तव, यांच्यासोबत डॉ. श्री लक्ष्मी, डॉ. इरा दत्ता, डॉ. पल्लवी ढाकणे, डॉ. अविनाश डिसूजा, डॉ. भूषण शुक्ल, डॉ. अरमान पांडे, डॉ. तुषार भट, डॉ. ज्योती शेट्टी यांचं मार्गदर्शन लाभणार आहे.. या परिषदेदरम्यान सायन हॉस्पिटलचे प्रसिद्ध मानसोपचार तज्ञ डॉ. निलेश शहा आणि कोल्हापूरचे ज्येष्ठ आणि सुप्रसिद्ध मानसोपचार तज्ञ डॉ. पी.एम. चौगुले यांचा गौरव करण्यात येईल, आत्महत्या आणि सध्याची कायदेपद्धती याबाबतच्या परिसंवादामध्ये डॉ अविनाश डिसूझा, डॉ भावेश लाकडावाला, डॉ केरसी चावडा आणि डॉ पराग शहा यांचं मार्गदर्शन लाभेल.

  जागतिक मानसिक आरोग्य दिनाचे औचित्य साधून डॉ. सिमोन आवळे आणि डॉ. निखिल चौगुले यांनी मानसिक आरोग्य या विषयावर व्याख्यानांचे आयोजन केलं आहे. हा कार्यक्रम पार पाडण्यासाठी कोल्हापूर सायकियाट्रिक सोसायटीच्यावतीने डॉ.योगेश कुलकर्णी, डॉ. धनंजय पाटील, डॉ. अपर्णा कुलकर्णी, डॉ. अश्विन शहा, डॉ. कविता शहा, डॉ. कावेरी चौगुले, डॉ. स्नेहा हर्षे यांचे आणि सदस्यांचं सहकार्य लाभत आहे.