महाराष्ट्र न्यूज वन प्रतिनिधी, कोल्हापूर : कोल्हापूर जिल्हा परिषद कर्मचारी सहकारी सोसायटीतर्फे सभासदांना १२.५० टक्के लाभांश वाटप करण्यात येणार असल्याचे अध्यक्ष नंदीप मोरे यांनी सांगितले. सोमवारपासून (१५ जून २०२६) सभासदांच्या खात्यावर लाभांश व ठेव व्याज रक्कम जमा केली जाणार आहे.

जिल्हा परिषद कर्मचारी सहकारी सोसायटीची वी वार्षिक सर्वसाधारण सभा रविवारी झाली. सोसायटीच्या श्री महालक्ष्मी सभागृहात ही सभा झाली. याप्रसंगी सोसायटीतर्फे सभासदांच्या गुणवंत मुलांचा गौरव, ज्येष्ट सभासदांचा सन्मान, सेवानिवृत्त कर्मचाऱ्यांच सत्कार करण्यात आला. चेअरमन मोरे यांनी सोसायटीच्या कामकाजाचा आढावा घेतला. वार्षिक लेखाजोखा मांडला. सोसायटीला २०२५ - २६ या आर्थिक वर्षात तीन कोटी साठ लाख रुपयांचा नफा झाला आहे. संस्थेच्या वाटचालीतील यंदाचा नफा हा सर्वाधिक आहे.

सभासद हित डोळयासमोर ठेवून सर्वसाधारण सभेत महत्वाचे निर्णय झाले. यामध्ये नियमित कर्जफेड करणाऱ्या सभासदांना ०.५० टक्के व्याज रिबेट, सभासदांची नियमित कर्जमर्यादा ३५ लाख रुपये, आकस्मिक कर्ज एक लाख व शैक्षणिक कर्ज तीन लाख रुपये असे निर्णय आहेत. सोसायटीतर्फे कोअर बँकिग प्रणाली आणि मोबाइल अॅप सेवा सुरू आहे. शिवाय स्पर्धा परीक्षेची तयारी करणाऱ्या सभासदांच्या पाल्यासाठी अद्ययावत ग्रंथालय आहे.

सभेला संचालक श्रीकांत चव्हाण, सुनील पाटील, रवींद्र जरळी, साताप्पा मगदूम, रणजीत पाटील, सुधाकर कांबळे, मुजम्मिल नावळेकर, अमर पाटील, सुरेश सुतार, अजय शिंदे, उत्तम वावरे,राहुलराज शेळके, बाजीराव पाटील, संजय शिंदे, सरोजिनी कोरी, महावीर सोळांकुरे आदी उपस्थित होते. प्रवीण पाटील यांनी स्वागत केले. व्यवस्थापक व्ही.एन. बोरगे यांनी विषयपत्रिकेचे वाचन केले. उपाध्यक्ष जयकुमार रेळेकर यांनी आभार मानले.