महाराष्ट्र न्यूज वन प्रतिनिधी, कोल्हापूर : कोल्हापूर हे असे केंद्र आहे जिथे रुग्ण कर्नाटक, गोवा तसेच ग्रामीण भागातून रुग्ण उपचारासाठी येतात. डॉ. संतोष प्रभू व त्यांच्या कुटुंबीयांनी कोल्हापुरा मल्टीस्पेशलिटी हॉस्पिटल सुरू केले. ही एक आनंदाची गोष्ट आहे. इथे येणाऱ्या प्रत्येक रुग्णाला सर्व प्रकारच्या सोयी या एकाच ठिकाणी या हॉस्पिटलमुळे उपलब्ध होतील. आणि रुग्णसेवा ही अव्याहत सुरू राहील. या हॉस्पिटलमध्ये जो रुग्ण येईल त्याला आरोग्य लाभ व्हावा.’ असे मत मुख्यमंत्री देवेंद्र फडणवीस यांनी व्यक्त केले.

 विन्सच्या २०० बेडसच्या मल्टीस्पेशालिटी हॉस्पिटलच्या नूतन इमारतीचे उद्घाटन गुरुवारी मुख्यमंत्री फडणवीस यांच्या हस्ते झाले. याप्रसंगी ते बोलत होते.  दरम्यान विन्सचे प्रमुख आणि न्यूरोसर्जन डॉ. संतोष प्रभू यांनी २२० बेड्सचे अत्याधुनिक सुसज्ज असणारे हे मल्टीस्पेशालिटी हॉस्पिटल असून आरोग्यसेवेतील उत्कृष्टता या हॉस्पिटलद्वारे आणण्यात आली आहे. ६५ वर्षाच्या उत्कृष्ट वैद्यकीय सेवांचा हा वारसा आहे. रुग्णाच्या शारीरिक आणि मानसिक आरोग्यासाठी निसर्गाच्या सानिध्यात असणारे हे मल्टीस्पेशलिटी हॉस्पिटल असून आधुनिक तंत्रज्ञान, सर्वोत्कृष्ट जागतिक दर्जाच्या आरोग्य सेवांचा येथे समावेश असल्याचे सांगितले. उच्च व तंत्रशिक्षणमंत्री चंद्रकांत पाटील यांनी, सर्वसामान्यांसाठी हे हॉस्पिटल उपयुक्त ठरेल आणि येथे जास्तीत जास्त रुग्ण उपचार घेऊन बरे होतील असे मत मांडले. पुढारीचे संपादक प्रतापसिंह जाधव, योगेश जाधव यांनीही शुभेच्छा दिल्या. 

कार्यक्रमास वैद्यकीय शिक्षणमंत्री हसन मुश्रीफ, पालकमंत्री प्रकाश आबिटकर, खासदार धनंजय महाडिक, खासदार धैर्यशील माने, आमदार अमल महाडिक, आमदार राहुल आवाडे, डॉ. सुजाता प्रभू, डॉ. आकाश प्रभू, डॉ. डीओना प्रभू , व्यंकट होळसंबे, संदीप वनमाळी, चिन्मय ठक्कर, दामोदर घोलकर ,माजी आमदार प्रकाश आवाडे, कर्नाटकचे माजी ऊर्जामंत्री वीरकुमार पाटील, माजी खासदार निवेदिता माने, संजय एस पाटील, सत्यजित कदम मौसमी आवाडे आदी उपस्थित होते.