महाराष्ट्र न्यूज वन प्रतिनिधी, कोल्हापूर : महाराष्ट्र न्यूज वन प्रतिनिधी, कोल्हापूर कोल्हापूर जिल्हा परिषद कर्मचारी सहकारी सोसायटीला २०२५- २६ या आर्थिक वर्षात तीन कोटी साठ लाख रुपयांचा निव्वळ नफा झाला आहे. संस्थेच्या स्थापनेपासूनचा हा सर्वाधिक नफा असल्याचे सोसायटीचे अध्यक्ष नंदीप मोरे आणि उपाध्यक्ष जयकुमार रेळेकर यांनी पत्रकाद्वारे दिली आहे. रविवारी, चौदा जून २०२६ रोजी साईक्स एक्स्टेंशन येथील सोसायटीच्या महालक्ष्मी सभागृहात संस्थेची वार्षिक सभा होत आहे. दुपारी एक  वाजता सभेला सुरुवात होणार आहे. सोसायटीतर्फे सभासदासाठी विविध योजना राबविल्या आहेत. कोअर बँकिग सुविधा आहे. मोबाइल अॅप, स्पर्धा परीक्षा ग्रंथालय, लॉकरची सुविधा आहे. संस्थेतर्फे सभासदासाठी ३५ लाख रुपयांची कर्जमर्यादा उपलब्ध आहे. वार्षिक सभेत सेवानिवृत्त सभासदांचा सत्कार करण्यात येणार आहे. संचालक मंडळाने सभासद हिताच्या विविध निर्णय घेतले आहेत. वार्षिक सभेत त्याला मंजुरी मिळाल्यानंतर सभासदांना लाभ मिळेल.