महाराष्ट्र न्यूज वन प्रतिनिधी :   केआयटीच्या अभियांत्रिकी (स्वायत्त) महाविद्यालयातील मेकॅनिकल विभागाच्या अंतिम वर्षातील १५५ हून अधिक विद्यार्थ्यांची राष्ट्रीय, बहुराष्ट्रीय कंपन्यांमध्ये कॅम्पस प्लेसमेंट मधून निवड झाली आहे. 

मेकॅनिकल विभागातील अंतिम वर्षाच्या सर्वच विद्यार्थ्यांचे चांगल्या बहुराष्ट्रीय कंपनीमध्ये कॅम्पस प्लेसमेंट मधून निवड होण्यासाठी विभागाकडून विद्यार्थी तृतीय वर्षात असल्यापासून अप्टीट्युड ट्रेनिंग, इंटरव्ह्यू स्किल्सचे प्रशिक्षण दिले जाते. 

विभागामध्ये प्रॉब्लेम आणि प्रोजेक्ट बेस्ड लर्निग राबवले जाते. त्यामुळे विद्यार्थ्यांच्या प्रश्न सोडविण्याची क्षमता, टीमवर्क, संभाषण कौशल्य, प्रॅक्टिकल ज्ञान मध्ये प्रगती होते. याच बरोबर प्रॅक्टिकल बेस्ड लर्निग, इंडस्ट्रिअल व्हिजीट मुळे विद्यार्थ्यांच्या प्रात्यक्षिक कौशल्ये विकसित होण्यामध्ये खूपच चांगला फायदा होतो.टाटा टेक्नॉलॉजीज च्या ‘रेडी इंजिनिअर प्रोग्राम’ मध्ये मागील ३ वर्षात केआयटी मेकॅनिकल विभाग देशभरात पहिल्या ३ मध्ये सातत्याने येत आहे. अशा विकसित कौशल्याचा फायदा विद्यार्थ्यांना इंटरव्ह्यू मध्ये होत आहे.

ट्रेनिंग आणि प्लेसमेंट विभागाचे डॉ. अमित सरकार, मेकॅनिकल विभागाचे विभागप्रमुख डॉ. उदय भापकर यांचे विद्यार्थ्यांना अनमोल मार्गदर्शन व प्रोत्साहन लाभले. मेकॅनिकल विभागाचे प्रा. प्रवीण गोसावी, प्रा. आशिष पाटील व प्रा. निलेश देसाई यांनी या सर्व प्रक्रियेमध्ये विशेष प्रयत्न केले.