महाराष्ट्र न्यूज वन प्रतिनिधी, कोल्हापूर : विधानसभा निवडणुकीची रंगत वाढली आहे. महायुती आणि महाविकास आघाडीकडून प्रचारसभा, फेरी यावर भर दिला जात आहे. दरम्यान महायुतीच्या उमेदवारांच्या प्रचारार्थ गुरुवारी, (१४ नोव्हेंबर) युवाशक्ती मेळावा आयोजित केला आहे. यूथ  आयकॉन कृष्णराज महाडिक यांच्या पुढाकारातून हा मेळावा दसरा चौक मैदानावर होणार आहे. कोल्हापूर दक्षिणचे उमेदवार अमल महाडिक, कोल्हापूर उत्तरचे उमेदवार राजेश क्षीरसागर आणि करवीरचे उमेदवार चंद्रदीप नरके यांच्या प्रचारासाठी युवाशक्ती संघटीत करण्याच्या हेतूने हा मेळावा होणार आहे. सायंकाळी पाच वाजता या मेळाव्याला प्रारंभ होईल असे संयोजकांनी म्हटले आहे.