महाराष्ट्र न्यूज वन प्रतिनिधी, कोल्हापूर : कोल्हापूर उत्तर विधानसभा मतदारसंघातून महाविकास आघाडीचे उमेदवार  राजेश लाटकर यांच्या प्रचारार्थ भगवी रॅली काढण्यात आली.  उमेदवार लाटकर, शिवसेना ठाकरे गटाचे शहरप्रमुख रविकिरण इंगवले, सुनील मोदी यांच्या प्रमुख उपस्थितीमध्ये शहराच्या विविध भागातून ही रॅली निघाली. यामध्ये दुचाकीस्वार व रिक्षाचालक सहभागी झाले.

 शहरप्रमुख इंगवले यांच्या नेतृत्वाखाली निघालेल्या रॅलीद्वारे शक्तीप्रदर्शन घडविले. या निवडणुकीत राजेश लाटकर यांना निवडून द्या असे आवाहन करण्यात आले.  खरी कॉर्नर, महाद्वार रोड, पापाची तिकटी, महापालिका, सीपीआर, दसरा चौक, व्हिनस कॉर्नर, शाहूपुरी, फोर्ड कॉर्नर मार्ग शहरातील प्रमुख मार्गावरुन रॅली काढली. यामध्ये विशाल देवकुळे, धनाजी दळवी, दत्ता टिपुगडे, महेश उत्तुरे, नियाज खान, सागर साळोखे, बंडा लोंढे, दिनेश साळोखे, योगेंद्र माने, विकी मोहिते, स्वरुप मांगले यांच्यासह दुचाकीस्वार व रिक्षाचालकांचा मोठा सहभाग होता. महाविकास आघाडीचा विजय असो, शिवसेनेचा विजय असो अशा घोषणा देत कार्यकर्त्यांनी वातावरण निर्मिती केली.           

.