अनेक विद्यार्थी हुपरी, पट्टणकडोली या ग्रामीण भागातून शहरातील शाळा, महाविद्यालयात शिक्षण घेण्यासाठी येत असतात. शाळा, महाविद्यालय सुटल्यानंतर विद्यार्थ्यांना रंकाळा हुपरी बस वेळेत मिळत नसलेने विद्यार्थ्यांच्या शिक्षणावर परिणाम होत आहे. याचा विचार करून एस. टी. बसेसच्या फेरीत वाढ करणेत यावी व होणारी गैरसोय टाळावी अशी मागणी अखिल भारतीय मराठा महासंघ विद्यार्थी संघटनेच्या वतीने करण्यात आली. संघटनेच्यावतीने विभागीय वाहतूक अधिकारी संतोष बोगरे यांना निवेदन देण्यात आले. शिष्टमंडळात विद्यार्थी संघटनेचे जिल्हाध्यक्ष प्रतिक साळुंखे, विराज पाटील, धनंजय गायकवाड, प्रशांत निकम, ऋतुराज माने, हर्षवर्धन शिंदे, आशिष मोरे आदींचा समावेश होता.