महाराष्ट्र न्यूज वन प्रतिनिधी, कोल्हापूर -: यशवंत ब्रिगेड व कोळेकर परिवारातर्फे दीपावलीच्या निमित्ताने गोरगरीब शेतकरी, मेंढपाळ आणि ऊसतोड कामगारांना फराळ वाटप करण्यात आले. गेल्या बारा वर्षापासून हा उपक्रम राबविण्यात येत आहे. संघटनेचे अध्यक्ष प्रा डॉ संतोष कोळेकर, पदाधिकारी व सदस्य शेतकऱ्यांच्या बांधावर आणि मेंढपाळांच्या तळावर जाऊन त्यांना दीपावलीचा फराळ दिले. कुरुंदवाड, जयसिंगपूर, पट्टनकोडोली, पेठवडगाव, वारणानगर परिसरात हा उपक्रम राबविला.