महाराष्ट्र न्यूज वन प्रतिनिधी, कोल्हापूर : जिल्हा निवडणूक अधिकारी, कोल्हापूर यांचेवतीने २०२३ मध्ये निवडणूक साक्षरता मंडळांतर्गत विद्यार्थ्यांमध्ये मताधिकार, लोकशाही यासंबंधी केलेली जनजागृती, त्यासाठी राबविलेले नाविन्यपूर्ण उपक्रम, नवमतदार नोंदणी इत्यादी कार्याबद्दल विवेकानंद कॉलेजला महाराष्ट्र राज्याचे अप्पर मुख्य सचिव व मुख्य निवडणूक अधिकारी श्रीकांत देशपांडे यांच्या हस्ते उत्कृष्ठ महाविद्यालय पुरस्कार देऊन सन्मानित करण्यात आले.
हा पुरस्कार विवेकानंद कॉलेजचे प्राचार्य डॉ. आर.आर. कुंभार यांनी स्वीकारला. शिवाजी विद्यापीठ येथे कार्यक्रम झाला. यावेळी कोल्हापूर जिल्हयाचे अतिरिक्त् जिल्हाधिकारी . संजय शिंदे, पन्हाळा प्रांत अधिकारी समिर शिंगटे, उपजिल्हाधिकारी समाधान शेंडगे, शिवाजी विद्यापीठाचे प्रकुलगुरु पी. एस. पाटील हे उपस्थित होते. तसेच जिल्हा नोडल अधिकारी म्हणून विवेकानंद कॉलेजचे राष्ट्रीय सेवा योजना कार्यक्रम अधिकारी प्रा.संदीप पाटील यांना उत्कृष्ठ् संपर्क अधिकारी पुरस्कार देऊन सन्मानित करण्यात आले. यावेळी राज्यशास्त्र विभागप्रमुख समीक्षा फराकटे उपस्थित होते.
यावेळी यशाबद्दल श्री स्वामी विवेकानंद शिक्षण संस्थेचे कार्याध्यक्ष प्राचार्य अभयकुमार साळुंखे , संस्था सेक्रेटरी प्राचार्या शुभांगी गावडे, संस्थेचे सीईओ कौस्तुभ गावडे यांनी अभिनंदन केले.