महाराष्ट्र न्यूज वन प्रतिनिधी,कोल्हापूर: सभासदांना ५५ लाख रुपये  इतकी कर्जमर्यादा केल्याची घोषणा कोल्हापूर महानगरपालिका खाजगी प्राथमिक शिक्षक सेवक सहकारी पतसंस्थेचे चेअरमन साताप्पा कासार यांनी केली .  पतसंस्थेची 33 वी वार्षिक सर्वसाधारण सभा श्रीराम सोसायटी हॉल कसबा बावडा  झाली. संस्थापक व तज्ञ संचालक भरत रसाळे यांच्या हस्ते जलर्पण करून सर्व संचालक मंडळाच्या उपस्थितीत या सभेची सुरवात झाली . याप्रसंगी चेअरमन कासार यांनी कर्जमर्यादेत वाढ केल्याचे घोषित केले.
 चेअरमन कासार म्हणाले, ‘चालू वर्षी आपल्या संस्थेस विक्रम तीन कोटी ६५ लाख ७९ हजार ३३७  रुपये इतका नफा झाला आहे.इतका विक्रमी नफा झाला. त्यातून सभासदांना पंधरा टक्के  लाभांश व भेट म्हणून  शेअर भांडवलावर तीस टक्के रक्कम अशी एकूण ४५ टक्के सभासद भेट मिळणार आहे  त्याचबरोबर सभासदांना दिवाळी भेटही दिली जाणार आहे . संस्थेची वार्षिक  उलाढाल ६५० कोटीवर असून संस्थेकडील ठेवी ११२ कोटीच्या पुढे आहेत. पतसंस्थेचे संस्थापक व तज्ञ संचालक रसाळे यांनी लाभांश व कायम ठेवीवरील व्याज तात्काळ सभासदांच्या सेव्हिंग खात्यावर जमा केले जाणार असून संस्थेने स्विकारलेल्या सहकार खात्याच्या नवीन उपविधी नुसार   सभासदांनी आपले सर्व व्यवहार चोख ठेवावेत असे आवाहन केले .
चर्चेत संचालक राजेंद्र कोरे, शिवाजी सोनाळकर, सभासद सागर पाटील, टी आर पाटील, कुमार पाटील, दत्तात्रय पाटील, संतोष केसरकर यांनी सहभाग घेतला.  नोटीस वाचन सचिव वसंत पाटील यांनी केले. प्रोसिडिंग वाचन व्यवस्थापक सदाशिव साळवी यांनी केले. विद्या पाटील यांनी सूत्रंचालन केले. व्हाइस चेअरमन अमित परीट यांनी आभार मानले. सभेला संचालक मच्छिंद्र नाळे, कृष्णात चौगले, सर्जेराव नाईक, माधुरी घाटगे ,राजेश कोंडेकर, महादेव डावरे, रोहिणी येडगे, संतोष आयरे सल्लागार समिती सदस्य आप्पासो वागरे,  पंडित मस्कर ,चंद्रकांत वाकरेकर,  दशरथ कांबळे उपस्थित होते.