महाराष्ट्र न्यूज वन प्रतिनिधी कोल्हापूर : शिवाजी विद्यापीठाच्या सध्या उन्हाळी सत्रातील परीक्षा सुरू आहेत. दरम्यान २६ आणि २७ एप्रिल २०२४ रोजी होणाऱ्या विद्यापीठ स्तरावरील सर्व अभ्यासक्रमाच्या परीक्षा पुढे ढकलण्यात आले आहेत. या परीक्षा ज्या ज्या अभ्यासक्रमाच्या नियोजित शेवटच्या पेपर नंतर घेण्यात येईल असे परीक्षा विभागाने म्हटले आहे. तसेच पुढे ढकलण्यात आलेल्या २६ व २७ एप्रिल रोजीच्या परीक्षांच्या तारखांचे वेळापत्रक विद्यापीठाच्या संकेतस्थळावर प्रसिद्ध करण्यात येणार असल्याचे परीक्षा व मूल्यमापन मंडळाचे संचालक अजितसिंह जाधव यांनी म्हटले आहे.
विद्यापीठ व महाविद्यालयीन स्तरावरील कर्मचाऱ्यांना २६ व २७ एप्रिल रोजी लोकसभा निवडणूक विषयक प्रशिक्षण आयोजित केले आहे यामुळे या दोन्ही दिवसाच्या परीक्षा पुढे ढकलण्यात आले आहेत.