महाराष्ट्र न्यूज वन प्रतिनिधी, कोल्हापूर : 

हमीदवाडा साखर कारखाना कर्नाटकातल्या व्यक्तीला विकल्याचा धडधडीत १०० टक्के खोटा आरोप विरोधकांकडून केला आहे. राजकारणासाठी किती बदनामी आणि अपप्रचार करणार आहात ? असा संतप्त सवाल पालकमंत्री हसन मुश्रीफ यांनी केला. 

महायुतीचे उमेदवार प्रा. संजय मंडलिक यांच्या  प्रचारार्थ कागल येथील खर्डेकर चौकात राष्ट्रवादी काँग्रेस पक्षाच्या प्रचार कार्यालयाचे उद्घाटन झाले. याप्रसंगी मंत्री मुश्रीफ बोलत होते. ते म्हणाले, ‘अशा प्रकारच्या १०० टक्के खोट्या बातम्या पेरून मुद्दामहून शाहू महाराजांच्या विरोधात विधाने करावीत, असा तर हेतू नाही ना ? त्यामुळे  शाहू महाराजांची प्रतिमा डागाळली जाईल अशी कोणतीही कृती करू नका.’