महाराष्ट्र न्यूज वन प्रतिनिधी : पुणे विभागीय शिक्षक मतदारसंघाच्या निवडणुकीसाठी शिवसेनेकडून मंगेश चिवटे यांनी उमेदवारी अर्ज दाखल केला. महायुतीचे नेतेमंडळी एकीकडे एकत्र निवडणूक लढवू असे सांगत असताना भाजप व शिवसेनेत उमेदवारीबाबत एकमत झाले नाही. भाजपकडून कौस्तुभ गावडे यांनी सोमवारी अर्ज दाखल केला होता. त्या पाठोपाठ शिवसेनेकडून चिवटे यांनी उमेदवारी अर्ज दाखल केला. उद्योगमंत्री उदय सामंत, कोल्हापूरचे पालकमंत्री प्रकाश आबिटकर, खाासदार ज्योती वाघमारे, आमदार सुहास बाबर, आमदार राजेंद्र पाटील यड्रावकर, शिवसेना शिक्षणाचे बापूसाहेब अडसूळ यांच्यासह शिवसेनेचे पदाधिकारी, कार्यकर्ते मोठया संख्येने उपस्थित होते. उमेदवारी अर्ज दाखल करण्याच्या निमित्ताने शिवसेनेने शक्तीप्रदर्शन घडविले.