महाराष्ट्र न्यूज वन प्रतिनिधी, कोल्हापूर : कोल्हापूर जिल्हा सहकारी दूध संघाच्यावतीने ताराबाई पार्क कार्यालयाच्या आवारातील श्री हनुमान मंदिर येथे हनुमान जयंती भक्तिमय वातावरणात साजरी करण्यात आली. यावेळी गोकुळचे चेअरमन अरुण डोंगळे यांच्या हस्ते श्री हनुमान मूर्तीचे पूजन करण्यात आले. संघाचे संचालक बाबासाहेब चौगले, विजयमाला चौगले यांच्या हस्ते उत्सवमूर्तीस अभिषेक व इतर धार्मिक विधी करण्यात आले. यावेळी भजन व विविध धार्मिक कार्यक्रमाचे आयोजन करण्यात आले होते.
यावेळी संघाचे जेष्ठ संचालक विश्वास पाटील, संचालक शशिकांत पाटील चुयेकर, अंबरिषसिंह घाटगे, बाळासाहेब खाडे, मुरलीधर जाधव, कार्यकारी संचालक योगेश गोडबोले, अमृता डोंगळे,पशुसंवर्धन व्यवस्थापक डॉ. प्रकाश साळुंखे, संकलन व्यवस्थापक एस.व्ही. तुरंबेकर, जनसंपर्क अधिकारी सचिन पाटील, अशोक पुणेकर, अशोक पाटील, बाजीराव पाटील, निवास पाटील, बाळासो वायदंडे, संकेत खाडे, मानसिंग खाडे, विनोद पाटील, बाळासो खांडेकर उपस्थित होते