महाराष्ट्र न्यूज् वन प्रतिनिधी, कोल्हापूर : 

जळगाव येथे सुरू असलेल्या आंतरजिल्हा सब ज्युनिअर गर्ल्स चॅम्पियनशिप स्पर्धेत कोल्हापूर जिल्हा संघाने उपांत्य फेरीत धडक मारली आहे. उपांत्यपूर्व फेरीत कोल्हापूरने पालघर संघाचा ७-२ अशा गोलफरकाने पराभव केला. या सामन्यात धनश्री पाटील व समिक्षा चौगुले यांनी हॅटट्रीक साधली.

वेस्टर्न इंडिया फुटबॉल असोसिएशनने (विफा) स्पर्धेचे आयोजन केले आहे.

  कोल्हापूर संघाने पालघर संघाचा ७-२ असा पराभव केला. सामन्यात कोल्हापूरच्या धनश्री पाटील हिने चौथ्या, ४२ आणि ४८ व्या मिनीटाला सलग तीन गोल्ससह हॅट्रीक साधली. तर समिक्षा चौगुले हिने १४, २४ आणि २७ व्या मिनीटाला सलग तीन गोल्स केले. युगंधरा पाटीलने ३५ व्या मिनीटाला एका गोलची नोंद केली. कोल्हापूरच्या संघाला प्रशिक्षक अमित शिंत्रे व सहाय्यक प्रशिक्षक सानिका पाटील यांचे मार्गदर्शन लाभत आहे. गुरुवारी ७ रोजी कोल्हापूरचा उपांत्य सामना नागपूर संघाविरोधात होणार आहे