महाराष्ट्र न्यूज वन  : हॉस्पिटॅलिटी आणि पर्यटन क्षेत्रात अतुलनीय योगदान देणारे डी. वाय. पाटील ग्रुपचे अध्यक्ष डॉ. संजय डी. पाटील यांना  'इंडिया माईस जीवनगौरव' पुरस्कारने सन्मानित करण्यात आले. पुणे येथे झालेल्या 'इंडिया माईस अवार्ड’  सोहळ्यात उदयपुर राजघराण्याच्या निवृत्ती कुमारी मेवाड यांच्या हस्ते डॉ.  पाटील यांना गौरविण्यात आले. त्याचबरोबर हॉटेल सयाजीचे व्यवस्थापकिय संचालक रौफ धनानी आणि कोल्हापूरमधील हॉटेल सयाजी यांनाही यावेळी  सन्मानित करण्यात आले. 

भारतातील पहिले आणि एकमेव 'माईस' पर्यटन मासिक असलेल्या 'ट्रॅव्हटूर माईस गाईड' कडून या पुरस्कार सोहळ्याचे आयोजन केले जाते.या कार्यक्रमात कोल्हापूरमध्ये हॉटेल सयाजी या पंचतारांकित हॉटेलच्या माध्यमातून, खानपान, निवास,  पर्यटन व आदरातिथ्य क्षेत्रातील अतुलनीय योगदानाबद्दल डी. वाय. पाटील ग्रुपचे अध्यक्ष डॉ. संजय पाटील यांचा  जीवनगौरव पुरस्काराने गौरव करण्यात आला. उदयपूरच्या निवृत्ती कुमारी मेवाड यांच्या हस्ते  डॉ. पाटील यानी हा पुरस्कार स्वीकारला.  यावेळी आयोजक 'ट्रॅव्हटूर माईस गाईड'चे संपादक अरविंद शर्मा यांची प्रमुख उपस्थिती होती.  या सोहळ्यात सयाजी हॉटेलचे एमडी रौफ धनानी यांना ‘हॉटेलियर ऑफ द इयर’ सन्मान प्रदान करण्यात आला. त्याचबरोबर हॉस्पीटलिटी क्षेत्रात कोल्हापूरची वेगळी ओळख निर्माण करणाऱ्या सयाजी हॉटेलचा 'बेस्ट बिझनेस हॉटेल इन महाराष्ट्र’ पुरस्काराने गौरव करण्यात आला.