महाराष्ट्र न्यूज वन प्रतिनिधी : कोल्हापूरचे सुपुत्र, ज्येष्ठ कायदेतज्ज्ञ  अ‍ॅड. विवेकानंद घाटगे यांची बार कौन्सिल ऑफ महाराष्ट्र अँड गोव्याच्या संचालकपदी निवड झाल्याबद्दल त्यांचा ग्रंथतुला करून  जाहीर सत्कार समारंभाचे आयोजन बुधवारी आठ जुलै 2000 26 रोजी आयोजित केला आहे  मानवतावादी सांस्कृतिक चळवळीच्यावतीने हा सत्कार समारंभ  राजर्षी शाहू स्मारक भवन येथे सायंकाळी पाच वाजता होत  असल्याची माहिती स्वागताध्यक्ष भरत रसाळे यांनी पत्रकार परिषदेत दिली.  अ‍ॅड घाटगे यांची निवड ही कोल्हापूरच्या दृष्टीने अभिमानास्पद बाब आहे. त्यांच्या या उल्लेखनीय यशाचा गौरव करण्यासाठी विविध क्षेत्रांतील मान्यवरांच्या उपस्थितीत  विशेष सत्कार समारंभ पार पडणार आहे.

 खासदार श्रीमंत छत्रपती शाहू महाराज, शिवाजी विद्यापीठ, कोल्हापूरचे कुलगुरू डॉ. राजनीश कामत,  महापौर रुपाराणी निकम, साहित्यिक व चित्रपट निर्माते डॉ. रमेश विवेकी, उत्तम कांबळे यांच्या हस्ते अ‍ॅड.  घाटगे यांचा सत्कार करण्यात येणार आहे.
 सत्कारमूर्तींचा सन्मान पुष्पगुच्छ ,  शाल-श्रीफळाऐवजी वही, पेन आणि पुस्तक भेट देऊन करण्याचे आवाहन करण्यात आले आहे. ज्ञानदान, वाचनसंस्कृती आणि विद्यार्थ्यांना प्रेरणा देणारी ही संकल्पना समाजात सकारात्मक संदेश देणारी ठरेल असा विश्वास आयोजकांनी व्यक्त केला आहे.
 नागरिकांनी मोठ्या संख्येने उपस्थित राहून अ‍ॅड. विवेकानंद घाटगे यांना सदिच्छा द्याव्यात असे आवाहन आयोजकांनी केले आहे. पत्रकार परिषदेला अनिल म्हमाने, सुरेश केसरकर, अ‍ॅड. करुणा विमल, मदन पवार, शंकर पुजारी, अंतिमा कोल्हापूरकर, सुनिल जाधव, अभिजीत मासुर्लीकर, गंगाधर म्हमाने उपस्थित होते.