महाराष्ट्र न्यूज वन प्रतिनिधी, कोल्हापूर : जिल्हा परिषदेच्या प्राथमिक शिक्षण विभागातींल शिक्षण विस्तार अधिकारी आर. व्ही. कांबळे यांच्याकडील कोल्हापूर महापालिकेच्या प्राथमिक शिक्षण समितीच्या प्रशासनाधिकारीपदाचा अतिरिक्त कार्यभार काढून घेतला आहे. शिक्षण समितीच्या प्रशासनाधिकारीपदाचा अतिरिक्त कार्यभार आता माध्यमिक शिक्षण विभागातील शिक्षण विस्तार अधिकारी डी. सी. कुंभार यांच्याकडे सोपविला आहे. शिक्षण उपसंचालक महेश चोथे यांनी मंगळवारी (१७ जून २०२५) या नियुक्तीसंबंधीच्या आदेशाची कार्यवाही झाली.  दरम्यान  प्राथमिक शिक्षण विभागाच्या प्रशासनाधिकारीपदाला पूर्णवेळ अधिकारी काही मिळाली नाही. गेली अनेक वर्षे शिक्षण समितीचा कार्यभार हा प्रभारीवरच सुरू आहे. कांबळे यांच्याकडे जुलै २०२४ मध्ये शिक्षण समितीच्या प्रशासनाधिकारीपदाचा कार्यभार सोपविला होता. एक वर्ष पूर्ण होण्याअगोदरच त्यांच्या काढून कार्यभार काढून घेतला. कुंभार यांच्याकडे प्रशासनाधिकारीपदाचा अतिरिक्त कार्यभार सोपविला आहे. त्यांच्याकडे दुसऱ्यांदा ही जबाबदारी आली आहे. त्यांनी यापूर्वी २०२२-२०२३ या वर्षात प्रशासनाधिकारी म्हणून काम केले होते. दरम्यान महापालिका क्षेत्रातील प्राथमिक शिक्षकांच्या काही संघटनांनी, शिक्षण उपसंचालक महेश चोथे यांची भेट घेऊन शिक्षण समितीच्या प्रशासनाधिकारीपदी वर्ग दोन दर्जाच्या अधिकाऱ्याची नेमणूक करावी.  गटशिक्षणाधिकारी दर्जाचा सक्षम अधिकारी नेमावा अशी मागणी केली होती. मात्र त्या मागणीकडे दुर्लक्ष करत प्रशासनाधिकारीपदी वर्ग तींन दर्जाचा अधिकारी नेमला आहे. कांबळे आणि कुंभार हे दोघेही वर्ग तीन दर्जाचे अधिकारी आहेत. दरम्यान कुंभार हे २३ जुलै २०२५ रोजी प्रशासनाधिकारीपदाचा अतिरिक्त कार्यभार स्वीकारणार आहेत. कुंभार यांनी त्यांच्याकडील मूळ पदाचा कार्यभार सांभाळून प्रशासनाधिकारीपदाचा अतिरिक्त कार्यभार सांभाळायचा आहे.