महाराष्ट्र न्यूज वन प्रतिनिधी कोल्हापूर :
जळगाव येथे सुरू असलेल्या आंतरजिल्हा सब ज्युनिअर गर्ल्स चॅम्पियनशिप स्पर्धेत कोल्हापूर जिल्हा संघाने नागपूर संघावर १-० असा विजय मिळवत अंतिम फेरीत प्रवेश केला. शुक्रवारी कोल्हापूर विरुद्ध मुंबई अशी अंतिम लढत होणार आहे.
वेस्टर्न इंडिया फुटबॉल असोसिएशनने (विफा) स्पर्धेचे आयोजन केले आहे.
पूर्वार्धात १८ व्या मिनिटाला नागपूरच्या खेळाडूंने डी मध्ये चेंडू हाताळल्याने पंचानी कोल्हापूर संघांला पेनल्टी किक बहाल केली. या सुवर्ण संधीचा फायदा घेत युगंधरा पाटीलने पेनल्टी मारत गोल केला. पूर्ण वेळेत एक गोलची आघाडी कायम टिकवत कोल्हापूरने सामना जिंकून अंतिम फेरीत प्रवेश केला. कोल्हापूरकडून समिक्षा चौगुले, प्रिती पाटील, सई बोंडगे, देवयानी पाटील, स्वरा मगदूम यांचा चांगला खेळ झाला.
संघाला प्रशिक्षक अमित शिंत्रे व सहाय्यक प्रशिक्षक सानिका पाटील यांचे मार्गदर्शन लाभत आहे.