महाराष्ट्र न्यूज वन प्रतिनिधी, कोल्हापूर : आज शाळेचा पहिला दिवस.प्रवेशोत्सवाची शाळेत लगबग सुरू होती.पावसाच्या सरी मुक्तपणे कोसळत होत्या.तेंव्हाच आपल्या जिल्ह्याचे जिल्हाधिकारी मा.अमोल येडगे यांचे शाळेत आगमन झाले. शाळेचे प्रवेशद्वार पाहूनच थक्क झाले. शाळेची बाग , परिसर, परसबाग पाहून शिक्षकांचे कौतुक केले. शाळेतील वर्गखोल्या,पट, विद्यार्थी, शिक्षक याविषयी माहिती घेतली. इयत्ता पहिली व चौथीच्या वर्गाला भेट दिली. वर्गातील आकर्षक बोलक्या भिंती पाहून आनंदित झाले. मुलांशी संवाद साधला. शालेय परिसर, वर्गखोल्या अतिशय सुंदर व बोलक्या असल्याने एकंदरीत शालेय कामकाजाविषयी समाधान व्यक्त केले. आजऱ्याचे तहसीलदार समीर माने , पंचायत समितीचे गटविकास अधिकारी संजय ढमाळ ,नायब तहसीलदार म्हाळसाकांत देसाई, गटशिक्षणाधिकारी बसवराज गुरव साहेब, मंडल अधिकारी गीता कुंभार मॅडम, शेळप गावचे सरपंच अर्जुन बागडी, ग्रामसेवक सानप, शाळेच्या मुख्याध्यापिका उषा आजगेकर मॅडम,अध्यापक संभाजी बापट, अर्चना पाटील, विषय शिक्षक परमेश्वर नलवडे उपस्थित होते.