महाराष्ट्र न्यूज वन प्रतिनिधी, कोल्हापूर : विदर्भ व मराठवाड्यातील शेतकऱ्यांच्या आयुष्यामध्ये आलेल्या अस्मानी संकटावर मात करण्यासाठी, त्यांचा चिखलात रुतलेला संसार पुन्हा उभा करण्यासाठी माजी आमदार संजय घाटगे व गोकुळचे संचालक अंबरिश घाटगे यांच्या संकल्पनेतून "कागलकरांनो चला देवू मदतीचा हात… मराठवाड्याला" हा उपक्रम राबवण्यात येत आहे. या माध्यमातून निर्माण होणारा निधी हा मुख्यमंत्री सहाय्यता निधीच्या माध्यमातून गरजू व समस्येने ग्रासलेल्या शेतकऱ्यांच्या पर्यंत पोहोचवण्याचा प्रयत्न केला जाणार आहे.  या आवाहनाला प्रतिसाद देत कागलमधील शाहू शिक्षक आघाडीने एक लाख रुपयांचा निधी जमविला आहे.