महाराष्ट्र न्यूज वन प्रतिनिधी, कोल्हापूर : कोल्हापूर महानगर प्रदेश विकास प्राधिकरण स्थापन करावे यासाठी एसफोरए ग्रुपचे अध्यक्ष राजू माने यांनी सोमवारी, एक जून २०२६ रोजी दसरा चौक येथे धरणे आंदोलन केले. ‘एक आंदोलन विकासासाठी…आपली साथ कोल्हापूर मेट्रोसिटीसाठी, स्वप्न कोल्हापूर महानगर प्रदेश विकास प्राधिकरणचे’अशी साद घालत माने यांनी दिवसभर आंदोलन केले. त्यांच्या या आंदोलनाला समाजातील विविध घटकांनी पाठिंबा दिला. माने यांनी सरकारकडे विविध मागण्या केल्या आहेत. यामध्ये, ‘कोल्हापुरात सर्वधर्मिय स्मशानभूमी शंभर एकरमध्ये व्हावी, वैद्यकीय कॉलेज शेंडा पार्क येथे माजी आरोग्यमंत्री दिग्विजय खानविलकर यांचा पुतळा उभारावा, पुणे ते कोल्हापूर मेट्रो रेल्वे प्रकल्पाची उभारणी करावी, शेती विकू नये यासाठी शेतकऱ्यांमध्ये जनजागृती अभियान’ या मागण्यांचा समावेश आहे.