महाराष्ट्र न्यूज वन प्रतिनिधी : कोल्हापूर जिल्हा माध्यमिक शिक्षण सेवकांची सहकारी पतसंस्थेतर्फें सभासद कर्ज ५० लाख , प्रासंगिक १० लाख , व तातडीचे २ लाख अशी एकूण ६२ लाख रुपये कर्जमर्यादा  करण्यात आली. कोजिमाशिची ५६ वी वार्षिक सर्वसाधारण सभा रविवारी, (सहा सप्टेंबर २०२६) झाली. चेअरमन राजेंद्र पाटील व तज्ज्ञ संचालक दादासाहेब लाड यांनी सभेत यासंदर्भातील घोषणा केली. तसेच सभासदांना बारा टक्के उत्तेजनार्थसह एकूण २४ टक्के लाभांश दिला जाणार आहे. लाभांशाची एकूण सात कोटी ६७ लाख १७ हजार १३२ रुपये सभासदांच्या खात्यावर मंगळवारी, आठ सप्टेंबरपासून जमा होईल असेही त्यांनी सांगितले. महासैनिक दरबार हॉल येथे सभा झाली.

‘विमानवारीसाठी बिनव्याजी तर लॅपटॉप व सोलर खरेदीसाठी अल्पव्याज दरात कर्ज पुरवठा करणे, ई - बाईकसाठी कर्ज पुरवठा करणे , सभासदासाठी मेडिक्लेम हेल्थ इन्शुरन्स सुरू करणे , अपघाती विमा उतरणे  , ७०० कोटी रुपयांच्या ठेवीचा टप्पा पूर्ण करणे ,शासनाच्या समाजकल्याण खाते अंतर्गत अनुदानित शाळातील कर्मचाऱ्यांना सभासदत्व देणे, आदी विषयांना मंजुरी देण्यात आली.