महाराष्ट्र न्यूज वन प्रतिनिधी, कोल्हापूर :भाजप युवा मोर्चाचे प्रदेशाध्यक्ष कृष्णराज महाडिक यांनी सत्तेच्या माध्यमातून विद्यार्थ्यांच्या प्रश्नांची सोडवणूक करावी. आंदोलनाच्या नावाखाली महाराष्ट्र नवनिर्माण सेनेच्या नादाला  लागू नये. अन्यथा जशास तसे उत्तर देऊ असे मनसे युवा सेनेचे अभिजीत राऊत व अजिंक्य शिंदे यांनी सांगितले. मुंबईतील मनसे व भाजप युवा मोर्चातील राडयानंतर महाडिक यांनी मनसे कार्यकर्त्यांना उद्देशून चोर असा उल्लेख केला होता. त्यावरही मनसे युवा सेनेच्या कार्यकर्त्यांनी महाडिक यांना प्रश्न केले. ‘धनंजय महाडिक हे लोकसभा निवडणुकीत उमेदवार असताना तसेच अमल महाडिक हे विधानसभा निवडणूक लढवित असताना मनसेच्या कार्यकर्त्यांना त्यांना पाठिंबा दिला होता, प्रचार केला होता. तेव्हा मनसे कार्यकर्ते चोर आहेत हे दिसले नाही का ? असा सवाल कार्यकर्त्यांनी केला. मनसे प्रमुख राज ठाकरे, अमित ठाकरे यांच्यावर टीका केली तर जशास तसे उत्तर दिले जाईल असेही ते म्हणाले.