बुधवारी (२९ मार्च) सकाळी साडेआठ वाजता गडमुडशिंगी मंदिर प्रशालेतील विद्यार्थ्यांना शालेय साहित्य वाटप करण्यात येणार आहे. गुरुवारी (30 मार्च) सकाळी नऊ वाजता गडमुडशिंगीचे ग्रामदेव बिरदेव मंदिर येथे महाआरती आहे. सकाळी साडेदहा वाजता हेल्पर्स ऑफ द हॅंडीकॅप शाळेतील मुलांना शैक्षणिक साहित्य वाटप तर दुपारी दीड वाजता दत्त भिक्षालिंग मंदिर येथे ब्लँकेट वाटप येणार आहे. दुपारी चार वाजता पन्हाळा तालुक्यातील मल्हारपेठ येथे डवरी समाजातील गरजूंना  ब्लँकेट वाटप आहे. सायंकाळी सहा वाजता मल्हार पेठ सावर्डे येथील गोपाळ समाजातील गरीब मुलांना कपडे वाटप होणार आहे. शुक्रवारी (३१  मार्च) सकाळी साडेनऊ वाजता वाशी येथे शाळेत शैक्षणिक साहित्याचे वाटप तर दुपारी बारा वाजता पाडळी येथील गोपाळ समाजाच्या मुला मुलींना कपडे वाटप होणार आहे. शनिवारी (एक एप्रिल) रोजी सकाळी दहा वाजता जठारवाडी येथील प्रशालेतील मुलांना शैक्षणिक साहित्याचे वाटप तर दुपारी एक वाजता गरीब विधवा महिलांना ब्लॅंकेट वाटप करण्यात येणार आहे. रविवारी (२एप्रिल) सकाळी अकरा वाजता गगनबावडा तालुक्यातील कोदे बुद्रुक येथे शाळेतील मुलांना शैक्षणिक साहित्याचे वाटप तर दुपारी एक वाजता कातळी येथील मदरशातील मुलांना शैक्षणिक साहित्य वाटप होणार आहे. राष्ट्रवादी काँग्रेसच्या पदाधिकाऱ्यांच्या उपस्थितीत साहित्य वाटपाचा कार्यक्रम होणार आहे.