महाराष्ट्र न्यूज वन प्रतिनिधी कोल्हापूर : खाजगी प्राथमिक शिक्षक सेवक सहकारी पतसंस्थेच्या चेअरमनपदी  साताप्पा कासार व व्हाईस चेअरमनपदी अमित परीट यांची बिनविरोध निवड करण्यात आली . सहकार खात्याचे श्रेणी १ चे अध्यासी अधिकारी  एम. ए. मुरुडकर यांच्या अध्यक्षतेखाली या निवडी पार पडल्या. 
संस्थापक  भरत रसाळे यांनी  मनोगत व्यक्त करताना  संस्थेचा कारभार नेहमीच पारदर्शी, काटकसरी व सर्वसामान्य सभासदाभिमुख ठेवण्याचा संकल्प व्यक्त केला.  नूतन चेअरमन  कासार व व्हाईस चेअरमन  परिट यांचे अभिनंदन करून पुढील कार्यकाळासाठी शुभेच्छा दिल्या.
 चेअरमन  साताप्पा कासार यांनी मनोगतात  संस्थेच्या प्रगतीसाठी आणि सदस्यांच्या हितासाठी कार्य करण्याचा माझा प्रयत्न असेल. परिट यांनी  पतसंस्थेच्या लौकिकास साजेसा कारभार आम्ही करू असे नमूद केले.
यावेळी सहकारी अधिकारी इंगवले  माजी चेअरमन मच्छिंद्र नाळे,  महादेव डावरे, सूर्यकांत बरगे, सर्जेराव नाईक, शिवाजी सोनाळकर, संतोष आयरे, रोहिणी यडगे, कार्यकारी संचालक सदाशिव साळवी उपस्थित होते.