संपर्क निरीक्षक उदय सावंत, खासदार धनंजय महाडिक खासदार धैर्यशील माने, माजी खासदार संजय मंडलिक, जिल्हा नियोजन समितीचे सदस्य सत्यजित कदम, भाजपचे महानगर जिल्हाध्यक्ष विजय जाधव, प्रदेश सचिव महेश जाधव, शिवसेना जिल्हाप्रमुख सुजित चव्हाण, राष्ट्रवादीचे शहराध्यक्ष आदिल फरास, शिवसेनेचे शिवाजी जाधव, महादेव यादव आरपीआयचे उत्तम कांबळे दत्ता मिसाळ, सोमनाथ घोडेराव  यांच्या प्रमुख उपस्थितीमध्ये दुपारी दीड वाजण्याच्या सुमारास दसरा चौक येथून रॅलीला सुरुवात झाली. रॅलीमध्ये महिलांची संख्या लक्षणीय होती. हाराफुलांनी सजविलेल्या वाहनामध्ये महायुतीचे नेतेमंडळी उभे राहून नागरिकांना अभिवादन करत होते. महायुतीचा विजय असो, मुख्यमंत्री एकनाथ शिंदे, उपमुख्यमंत्री देवेंद्र फडणवीस उपमुख्यमंत्री अजित पवार यांचा विजय असो, अशा घोषणा देत रॅली मार्गस्थ झाली. उन्हाची तमा न करता रॅलीमध्ये हजारो कार्यकर्ते व  मतदार मोठ्या उत्साहाने सहभागी झाले होते. दसरा चौक, व्हीनस कॉर्नर कॉर्नर, बसंत बहार रोड, ते जिल्हाधिकारी कार्यालय अशी रॅली निघाली.

 तत्पूर्वी दसरा चौक येथे झालेल्या सभेत राज्य नियोजन मंडळाचे कार्यकारी अध्यक्ष व महायुतीचे उमेदवार राजेश क्षीरसागर खासदार धनंजय महाडिक खासदार धैर्यशील माने यांची भाषणे झाली. राजेश क्षीरसागर म्हणाले, गेल्या पाच वर्षात शहर विकासासाठी प्रचंड कामे केली. मोठ्या प्रमाणात निधी आणला कोल्हापूर उत्तरमधून मला उमेदवारी दिल्याबद्दल मुख्यमंत्री व दोन्ही उपमुख्यमंत्र्यांचे आभार मानतो. महायुतीच्या माध्यमातून शहर विकासासाठी योगदान देता आले याचे मोठे समाधान आहे महापालिकेतल्या पाचशेहून अधिक रोजंदारी कर्मचाऱ्यांना कायमस्वरूपी करण्याचा निर्णय झाला याचा खूप मोठा आनंद आहे. दरम्यान खोटं बोल पण रेटून बोल हे काँग्रेसची निती आहे. गेल्या निवडणुकीत काँग्रेसच्या नेत्यांनी माझ्या विरोधात लोकांची दिशाभूल केली. मात्र मी सातत्याने लोकांच्या संपर्कात आहे. लोकांचा माझ्यावर विश्वास आहे. महायुतीतले सर्व घटक पक्ष माझ्यासोबत आहेत. लोकांचे साथ असल्यामुळे मला या निवडणुकीत विजयाची खात्री आहे. खासदार धैर्यशील माने म्हणाले, राजेश क्षीरसागर यांनी गेल्या अडीच वर्षात आमदार नसताना शहर विकासासाठी मोठे केले आहे. शिवसेनाप्रमुख बाळासाहेब ठाकरे यांच्या विचारांचा हा शिलेदार आहे. शहरवासीयांचा प्रतिसाद पाहता त्यांचा विजय निश्चित आहे. खासदार धनंजय महाडिक म्हणाले, महायुतीला कोल्हापूर शहरात व  जिल्ह्यात पोषक वातावरण आहे. राजेश क्षीरसागर यांच्या बाजूने सर्वसामान्य जनता आहे. या निवडणुकीच्या प्रचाराच्या कालावधीत प्रत्येकाने सतर्क राहून घरोघरी राजेश क्षीरसागर यांची उमेदवारी पोहोचवा. काँग्रेसने कोल्हापूर उत्तर मतदारसंघांमध्ये उमेदवार लादला आहे. काँग्रेसचा उमेदवार त्यांच्याच नगरसेवकांना मान्य नाही. कोल्हापूर उत्तर मधून महायुतीचे उमेदवार राजेश क्षीरसागर हे निश्चित विजयी होतील.