महाराष्ट्र न्यूज वन प्रतिनिधी, कोल्हापूर  : कोल्हापूर जिल्हा बार असोसिएशनच्या निवडणुकीत अॅड. राजेंद्र मंडलिक पॅनेलने बाजी मारली. मंडलिक पॅनेलने अध्यक्ष, उपाध्यक्षपदासह आठ जागा जिंकल्या आहेत.अध्यक्षपदाच्या निवडणुकीत अॅड. राजेंद्र मंडलिक तर उपाध्यक्षपदाच्या निवडणुकीत अॅड.संजय घाटगे हे विजयी झाले. त्यांनी, अॅड. प्रशांत चिटणीस यांचा ११७ मतांनी पराभव केला. या निवडणुकीत अॅड. चिटणीस पॅनेलला सात जागा मिळाल्या. या पॅनेलने सचिव, लोकल ऑडिटरसह सात जागा जिंकल्या.

कोल्हापूर जिल्हा बार असोसिएशनसाठी गुरुवारी, ३० एप्रिल २०२६ रोजी मतदान झाले. जिल्हा व सत्र न्यायालयाच्या सभागृहात मतदान झाले. जिल्ह्यातील ३८४९ सभासदापैकी २५४२ सभासदांनी मतदान केले. सायंकाळी मतमोजणी होऊन निकाल घोषित झाला. या निवडणुकीत दोन्ही पॅनेलमधील विजयी उमेदवारांची मते पुढीलप्रमाणे…

अॅड. राजेंद्र मंडलिक पॅनेल – अध्यक्षपदी अॅड. राजेंद्र मंडलिक १३२३ मते, उपाध्यक्ष अॅड. संजय घाटगे १२७९, सहसचिव अॅड. अवधूत पाटील १५७६, महिला प्रतिनिधी अॅड. शुभांगी निंबाळकर १३३५, संचालकपदी अॅड. पूनम पाटील, अॅड. योगेश पवार, अॅड. सिद्धार्थ हुक्केरी, अॅड. श्रावणी पारसनीस.

अॅड. प्रशांत चिटणीस – सचिवपदी अॅड. वीरेंद्रसिंह निंबाळकर १३४० मते, अॅड. सर्वेश भादिंगर १५०४, संचालकपदी अॅड. चैत्राली गुरव, अॅड. संदीप वाईंगडे, अॅड. वैभव गोरडे, अॅड. राजवर्धन यादव, अॅड. श्रृतिका पाटील.

…………………………………………