महाराष्ट्र न्यूज वन प्रतिनिधी, कोल्हापूर : जरगनगर विद्यामंदिर परिसरातील प्री-प्रायमरी स्कूल येथे गुरुपौर्णिमेनिमित्त अनोखा कार्यक्रम आयोजित करण्यात आला. स्कूलच्या संचालिका वृंदा घाटगे यांच्या संकल्पनेतून या उपक्रमाचे आयोजन करण्यात आले. या प्रसंगी विद्यार्थ्यांनी आपल्या आजी-आजोबांच्या चरणांचे पूजन करून त्यांना वंदन केले.कुटुंबात आपुलकी आणि जिव्हाळा कमी होत असतानाच, वृद्ध व्यक्तींप्रती प्रेम आणि आदर निर्माण करण्यासाठी सौ.वृंदा घाटगे प्री-प्रायमरी स्कूलचा हा उपक्रम सर्वत्र कौतुकाचा विषय ठरत आहे. जवळपास २०० बालचमुंनी आपल्या आजी-आजोबांसोबत तसेच आई-वडिलांच्या उपस्थितीत पाद्यपूजन केले. यावेळी कार्यक्रमाला जरग विद्यामंदिरच्या मुख्याध्यापिका सौ.नीता ठोंबरे, शिक्षकवृंद, तसेच पालक मोठ्या संख्येने उपस्थित होते.