जिल्हा पोलिस अधीक्षकांची गोकुळला सदिच्छा भेट

schedule04 Dec 23 person by visibility 529 categoryउद्योग

महाराष्ट्र न्यूज वन प्रतिनिधी, कोल्हापूर : जिल्हा पोलिस अधीक्षक महेंद्र पंडित यांनी कोल्हापूर जिल्हा सहकारी दूध उत्पादक संघाला (गोकुळ) नुकतीच सदिच्छा भेट दिली. गोकुळ परिवारातर्फे संचालक अजित नरके यांच्या हस्ते पंडित यांचा सत्कार करण्यात आला. गोकुळ शिरगाव येथील गोकुळच्या प्रधान कार्यालयात हा कार्यक्रम झाला. 

याप्रसंगी बोलताना जिल्हा पोलिस  अधिक्षक महेंद्र पंडित म्हणाले, ‘ सध्या सहकारात काम करणाऱ्या संस्थांना कठीण परिस्थितीतून जावे लागत आहे, पण गोकुळने या सर्व कठीण परिस्थितीवर मात करत सहकार क्षेत्रात वेगळा आदर्श निर्माण केला आहे. गोकुळ ही दूध उत्पादक शेतकरी व या प्रक्रियेतील सहभागी घटक अशाच जवळपास पाच लाखापेक्षा अधिक कुटुंबांना रोजगार पुरवणारी ही एक अग्रेसर संस्था आहे.”

याप्रसंगी संचालकनरके यांनी गोकुळच्या विविध उपक्रमांची माहिती दिली. यावेळी गोकुळचे कार्यकारी संचालक योगेश  गोडबोले, गोकुळ शिरगाव पोलिस स्टेशनचे पोलिस निरीक्षक दिगंबर गायकवाड, बोर्ड सेक्रेटरी प्रदीप पाटील,व्यवस्थापक प्रशासन रामकृष्ण पाटील, प्रकाश आडनाईक, हणमंत पाटील, बाजीराव राणे आदी उपस्थित होते

उद्योग