महाराष्ट्र न्यूज वन प्रतिनिधी कोल्हापूर  : शहरातील रामसिना ग्रुपच्या कार्यालयात भारताचे माजी क्रिकेटपटू प्रवीण आमरे यांनी नुकतीच भेट देऊन संपूर्ण  मार्गदर्शन केले. या भेटीमुळे संस्थेत उत्साहाचे आणि प्रेरणेचे वातावरण निर्माण झाले.

याप्रसंगी आमरे यांनी त्यांच्या क्रिकेट कारकिर्दीतील अनुभव मांडले. त्यांनी शिस्त, सातत्य, टीमवर्क आणि कठोर परिश्रम यांचे महत्त्व स्पष्ट करत, कोणत्याही क्षेत्रात यश मिळवण्यासाठी सकारात्मक दृष्टीकोन आणि चिकाटी आवश्यक असल्याचे सांगितले.

त्यांच्या मार्गदर्शनातून उपस्थितांना उद्दिष्ट निश्चित करून त्यासाठी सातत्याने प्रयत्न करणे, समन्वय व विश्वास वाढवणे, तसेच आव्हानांना संधी म्हणून स्वीकारण्याचे मोलाचे धडे मिळाले.रामसिना ग्रुपतर्फे सचिन ओसवाल यांनी  अमरे यांचे स्वागत केले.. त्यांच्या भेटीमुळे रामसिना ग्रुप ला  भविष्यात अधिक उत्कृष्ट कामगिरी करण्याची प्रेरणा मिळेल, असा विश्वास त्यांनी व्यक्त केला.