महाराष्ट्र न्यूज वन कोल्हापूर : छोट्या गावातील शाळकरी मुलीची मोठी स्वप्ने आणि त्याने ती स्वप्ने सत्यात उतरवण्यासाठी केलेला संघर्ष यावर आधारित बाई तुझ्यापायी ही नवीन मराठी वेबसिरीज प्रेक्षकांच्या भेटीस येत आहे
झी 5 ची आगामी  ‘बाई तुझ्यापायी’ ही मालिका धैर्य, शिक्षण आणि जुनाट परंपरांना प्रश्न विचारण्याच्या विषयांवर महत्त्वपूर्ण चर्चा रंगवत आहे. सिक्स्टीन बाय सिक्स्टी-फोर प्रॉडक्शन निर्मित आणि निपुण धर्माधिकारी दिग्दर्शित या मालिकेत साजिरी जोशी, क्षिती जोग, सिद्धेश धुरी आणि शिवराज वैचळ यांच्या प्रमुख भूमिका आहेत.
१९९० च्या दशकातल्या काल्पनिक ‘वेसाच्या वाडगाव’ या गावाच्या पार्श्वभूमीवर घडणारी ही कथा अहिल्या (साजिरी जोशी) या तरुण मुलीची आहे — जी अंधश्रद्धेला आव्हान देत शिक्षण घेते. प्रमोशनल टूरचा भाग म्हणून, दिग्दर्शक निपुण धर्माधिकारी आणि प्रमुख कलाकार क्षिती जोग व साजिरी जोशी कोल्हापूरला भेट दिली.  पत्रकार परिषदेत त्यांनी माध्यमांशी संवाद साधला, मालिकेतील भावनिक प्रवास, त्यामागचा संदेश आणि चित्रीकरणातील अनुभव शेअर केले.
यानंतर टीमने करवीर निवासिनी अंबाबाई मंदिराला भेट देत मालिकेच्या यशासाठी आशीर्वाद घेतला. दिग्दर्शक निपुण धर्माधिकारी म्हणाले, “‘बाई तुझ्यापायी’ ही एक सर्वमान्य कथा आहे. मुलगी मोठी होत असताना तिच्या शरीरात बदल घडतोच, पण त्याचबरोबर समाजात तिच्यावर अनेक बंधने लादली जातात. या कथेतली नायिका या बंधनांचा खरा अर्थ शोधण्याचा प्रयत्न करते — ही बंधने खरंच आवश्यक आहेत का, की स्त्रियांना नियंत्रित ठेवण्याचं आणखी एक साधन आहेत? कोल्हापूर माझं घर आहे. माझे वडील इथलेच आहेत आणि माझं बालपणातील बरंचसं सुट्टीचं आयुष्य इथे गेलं आहे. हे शहर माझ्या मनात खास स्थान घेऊन आहे. कोल्हापूरच्या माध्यमांचे आणि लोकांचे मनःपूर्वक आभार, त्यांनी आमचं अतिशय आदराने स्वागत केलं.”
क्षिती जोग म्हणाल्या, “माझं पात्र एका आईचं आहे — जी परंपरा आणि परिवर्तन यांच्या मध्ये अडकलेली आहे. ती मुलीवर मनापासून प्रेम करते, पण तिच्या मनात रुतलेल्या सामाजिक गोष्टींपासून स्वतःला मुक्त करणं तिच्यासाठी कठीण असतं.   नवोदित अभिनेत्री साजिरी जोशी म्हणाली“ अहिल्या साकारणं माझ्यासाठी आयुष्य बदलणारं ठरलं. ती फक्त एक पात्र नाही — ती प्रत्येक मुलगी आहे जिला सांगितलं गेलं आहे की ‘तू हे करू शकत नाहीस’. मालिकेच्या प्रीमियरपूर्वी महालक्ष्मीदेवीचं दर्शन घेणं खूप प्रतीकात्मक वाटलं, जणू अहिल्याचा प्रवास पूर्णत्वास पोहोचल्यासारखं. कोल्हापूरच्या श्रद्धेने आणि प्रेमाने आम्हाला या कथेमागचा खरा अर्थ पुन्हा जाणवला.”