महाराष्ट्र न्यूज वन प्रतिनिधी : गडहिंग्लज तालुक्यातील आरटीईच्या २५ टक्के प्रवेश प्रक्रियेत झालेल्या  अनियमिततेच्या चौकशीसाठी जिल्हा परिषद प्रशासनाने त्रिसदस्यीय चौकशी समितीची नियुक्ती केली आहे. जिल्हा परिषदेच्या सर्वसाधारण सभेत हा विषय उपस्थित झाल्यानंतर अतिरिक्त मुख्य कार्यकारी अधिकारी संतोष जोशी यांनी याबाबत आदेश जारी केले आहेत. मुख्य कार्यकारी अधिकारी डॉ. जॅसमिन यांनी चौकशीचे आदेश दिले आहेत

जिल्हा परिषदेच्या २५ जून २०२६ रोजी झालेल्या सर्वसाधारण सभेत सदस्य संग्रामसिंह कुपेकर यांनी हा मुद्दा उपस्थित केला होता. आरटीई प्रवेश प्रक्रिया अंतर्गत 25 हून अधिक विद्यार्थ्यांचे शाळा प्रवेश झाले नाहीत. त्या शिक्षण संस्थांच्या वरती काय कारवाई केली असा सवाल सभागृहात उपस्थित करण्यात आला होता. मुलांचे शैक्षणिक नुकसान होऊ नये म्हणून जिल्हा परिषद  सदस्यानी शिक्षण अधिकाऱ्यांच्या पर्यंत हा विषय नेला मात्र त्या मुलांना आरटीई अंतर्गत प्रवेश मिळाला नाही. त्यांच्या त्यानंतर मुख्य कार्यकारी अधिकाऱ्यांच्या सूचनेनुसार गडहिंग्लज पंचायत समितीच्या कामकाजाची सविस्तर चौकशी करण्याचा निर्णय घेण्यात आला आहे.
समितीमध्ये उपशिक्षणाधिकारी (प्राथमिक) श्री. शशिकांत बडे यांची अध्यक्ष म्हणून नियुक्ती करण्यात आली आहे. तर गटशिक्षणाधिकारी वैभव पाटील (चंदगड) आणि प्रबुद्ध कांबळे (भुदरगड) यांची सदस्य म्हणून नियुक्ती करण्यात आली आहे.
ही समिती संबंधित अधिकारी व कर्मचाऱ्यांची चौकशी करून वस्तुनिष्ठ अहवाल २९ जुलै २०२६ पर्यंत अतिरिक्त मुख्य कार्यकारी अधिकाऱ्यांकडे सादर करणार असून, चौकशीत कोणताही विलंब होऊ नये, असे आदेशात नमूद करण्यात आले आहे.