महाराष्ट्र न्यूज वन प्रतिनिधी कोल्हापूर : संरक्षण मंत्रालय व शिक्षण मंत्रालय यांच्या संयुक्त दिमाने घेण्यात आलेल्या वीरगाथा प्रोजेक्टचा विजेता व नॅशनल ॲकॅडमीचा विद्यार्थी फरहान मकानदार याचे शनिवारी कोल्हापुरात स्वागत करण्यात आले.

 प्रजासत्ताक दिनाचे औचित्य साधून नवी दिल्ली येथे २५ जानेवारी २०२३: रोजी संरक्षण मंत्री राजनाथ सिंह यांच्या हस्ते विद्यार्थी मकानदारचा गौरव करण्यात आला होता‌. मानचिन्ह व रोख दहा हजार रुपये बक्षीस देऊन त्याला गौरविले होते. फरहानचे शनिवारी दिल्लीहून कोल्हापूर आगमन झाले. दसरा चौक येथे त्याचे स्वागत करण्यात आले. दसरा चौक, आईसाहेब महाराज पुतळा, महानगरपालिका, छत्रपती शिवाजी महाराज चौक, बिंदू चौक अशी रॅली काढण्यात आली. नॅशनल अकॅडमी स्कूलचे चेअरमन हाजी असलम सय्यद व्हाईस चेअरमन राहीद खान, संचालक नासरखान आदींच्या उपस्थितीमध्ये ही रॅली निघाली‌